ការស្រុតស្បូន មានភាពខុសៗគ្នា ទៅតាមកម្រិតធ្ងន់ធ្ងរ របស់វា។ អ្នកអាចនឹងមានការស្រុតស្បូន ក្នុងកម្រិតស្រាល និង មិនបានដឹងនូវរោគសញ្ញាអ្វីទាល់តែសោះ ។ ប្រសិនបើអ្នក មានការស្រុតស្បូន ក្នុងកម្រិតជាធម្យម រហូតដល់កម្រិតខ្លាំង នោះអ្នកអាចនឹងជួបប្រទះនូវសញ្ញាទាំងនេះ ៖
– មានអារម្មណ៍ថាធ្ងន់ ឬ ទាញយារចេញ នៅក្នុងអាងត្រគាករបស់អ្នក។
– មានការលៀនចេញនូវជាលិកា ចេញពីទ្វារមាសរបស់អ្នក។
– មានបញ្ហាជាមួយនឹងប្រព័ន្ធបង្ហូរនោម ដូចជា ការលេចនោម ឬ ខំទប់ទឹកនោម។
– មានបញ្ហាជាមួយនឹង ការធ្វើចលនារបស់ពោះវៀន។
– ឈឺចង្កេះ។
– មានអារម្មណ៍ដូចជាអ្នកកំពុងតែ អង្គុយនៅលើកូនបាល់តូចមួយ ឬ ក៏ដូចជាមានអ្វីមួយធ្លាក់ចេញ ពីក្នុងទ្វារមាសរបស់អ្នក។
– មានការព្រួយបារម្ភចំពោះការរួមភេទ ដូចជា មានអារម្មណ៍ថាទ្វារមាសឡើងរលុងខ្លាំង។
– មានរោគសញ្ញា ដែលហាក់នឹងមិនសូវមានផលរំខាននៅក្នុងពេលព្រឹក តែហាក់នឹងមាន សភាព កាន់តែអាក្រក់ឡើង នៅក្នុងពេលថ្ងៃ៕