Join with Health.com.kh on Telegram

ការឈឺ​ក្បាល​បែប​ប្រកាំង​មានន័យថា​ជា​ការឈឺ​ខ្ទោកៗ​ដ៏​ខ្លាំងក្លា​មួយ​កើតឡើង​នៅ​លើ​ផ្នែក​ណាមួយ​នៃ​ក្បាល​របស់​អ្នក​ហើយ​វា​ច្រើនតែ​កើត​ជាមួយគ្នា​នឹង ការ​ក្អួតចង្អោ ខ្លាច​ពន្លឺ និង​សំឡេង​។ ការឈឺ​ក្បាល​របៀបនេះ​អាច​បង្កើត​អោយ​មាន​ការ​ឈឺចាប់​ច្រើន​ម៉ោង​រហូត​ដល់​ច្រើន​ថ្ងៃ ហើយ​កាន់តែ​ធ្ងន់​ទៅៗ លុះត្រាតែ​អ្នក​ទៅ​នៅ​កន្លែង​ណា​ដែល​ងងឹត ស្ងាត ឬ​សំងំ​ដេក ទើប​មាន​ការ​ធូរស្បើយ​ខ្លះ ។​

​ប្រកាំង​មួយចំនួន​ក៏​មាន​ចេញ​សញ្ញា​អោយ​ដឹង​មុន​តាមរយៈ មាន​បញ្ហា​ទាក់ទង​នឹង​ភ្នែក​ដូចជា មិន​អាច​ទទួល​ចំនាំង​ពន្លឺ​បាន ព្រិល​ភ្នែក ឬ​ពេល​ខ្លះ​ដៃ​និង​ជើង​មាន​ឈឺ​ឈៀបៗ ។​

​មាន​កត្តា​ជាច្រើន​ដែល​ងាយ​នឹង​ធ្វើអោយ​អ្នក​ឈឺ​ក្បាល​បែប​ប្រកាំង​នេះ ។​

  • ប្រវិត្ត​គ្រួសារ​៖ មាន​ភាគរយ​រហូតដល់ ៩០%​ចំពោះ​មនុស្ស​ដែល​មាន​ការឈឺ​ក្បាល​បែប​ប្រកាំ​ង គឺ​មាន​ប្រវិត្ត​នៅក្នុង​គ្រួសា​ររបស់​ពួកគេ​សុទ្ធតែ​ឈឺ​ដូច្នេះ​ទាំង​អស់ ។ ប្រសិនបើ​ម្តាយ​តែ​ម្នាក់ ឬ​ទាំង​ឪពុក​ទៀត​ដែល​មាន​ប្រកាំ​ង មានន័យ​ថា​ឱកាស​សំរាប់​អ្នក​ក្នុង​ការឈឺ​ក្បាល​បែប​ប្រកាំង​គឺ​កាន់តែ​ច្រើន​ដែរ ។​
  • អាយុ​៖ ការឈឺ​ក្បាល​បែប​ប្រកាំង​អាច​ចាប់ផ្តើម​នៅ​លើ​មនុស្ស​គ្រប់​វ័យ ដូច្នេះ​មនុស្ស​ភាគច្រើន​តែងតែ​ធ្លាប់​មាន​ការឈឺ​ដូច្នេះ​ទាំង​អស់​កាល​ពី​វ័យ​ជំទង់ ។ មនុស្ស​ជាច្រើន​អាយុ ៤៥​ឆ្នាំ​ដែល​មាន​ការឈឺ​ក្បាល​បែប​ប្រកាំង​ច្រើន​តែ​ធ្វើ​អោយ​គេ​ឈឺ​ជា​លើកដំបូង ។​
  • ភេទ​៖ ស្ត្រី​មាន​ការ​កើត​ការឈឺ​ក្បាល​បែប​ប្រកាំង​នេះ​ច្រើន​ជាង​បុរស​បី​ដង ។ ការឈឺ​ក្បាល​ច្រើន​កើត​ទៅ​លើ​ក្មេងប្រុស​ជាង​ក្មេងស្រី ប៉ុន្តែ នៅពេល​ដែល​ពេញវ័យ​ស្រី​បែរជា​កើត​ច្រើន​វិញ​។​
  • បំរែបំរួល​អ័រម៉ូន​៖ ប្រសិនបើ​អ្នក​ជា​មនុស្ស​ស្រី​ដែល​ឈឺ​ក្បាល​បែប​ប្រកាំ​ង អ្នក​ប្រហែលជា​ដឹង​ថា​ការឈឺ​ក្បាល​របស់​អ្នក​ចាប់ផ្តើម​មុន ឬ​ក្រោយ​ពេល​បន្តិច​នៃ​ការ​មក​រដូវ ។ ការឈឺ​ទាំងនោះ​ប្រហែលជា​មាន​ការប្រែប្រួល​ក្នុងពេល​ដែល​មាន​ផ្ទៃពោះ ឬ​រាំងរដូវ ។ មនុស្ស​ស្រី​មួយចំនួន​និយាយ​អំពី​ការឈឺ​ក្បាល​របស់​ខ្លួន​ថា ការ​ឈឺ​នោះ​កាន់តែ​ខ្លាំង​ទៅៗ ក្នុង​ដែល​ពោរ​ពោះ​បាន មួយ​ត្រីមាស ដូច្នេះ​រោគសញ្ញា​នៃ​ការឈឺ​ក្បាល​នេះ​កាន់តែ​ខ្លាំង​ទៅៗ​នៅពេល​ដែល​ស្ត្រី​មាន​ផ្ទៃពោះ​ជិត​គ្រប់​ខែ​៕