នៅក្នុងរបបអាហាររបស់កូនប្រចាំថ្ងៃ អ្នកត្រូវតែឲ្យគេញ៉ាំបន្លែឲ្យច្រើន ទើបវាអាចធ្វើឲ្យកូនមានសុខភាពល្អ ព្រោះនៅក្នុងបន្លែទាំងនោះមានសារធាតុចិញ្ចឹមជាច្រើន ម្យ៉ាងទៀតវានឹងអាចធ្វើឲ្យកូនឆ្លាតដូចគ្នាក្រោយពេលពិសាររួច។ ដូចនេះតើមានបន្លែអ្វីខ្លះដែលអ្នកគួរតែឲ្យកូនញ៉ាំនោះ?
ដំឡូងបារាំង
នៅក្នុងដំឡូងបារាំងនេះមានប្រូតេអ៊ីន វីតាមីន និងសារធាតុចិញ្ចឹមជាច្រើនទៀតដែលអាចជួយកូនឲ្យមានសុខភាពល្អ និងជួយឲ្យខួរក្បាលលូតលាស់បានល្អ។
ផ្លែត្រប់
នៅក្នុងផ្លែត្រប់នេះមានវីតាមីនE និងP ដែលអាចជួយបញ្ចុះកាឡូរី និងការពារជំងឺមហារីកទៀតផង។
ផ្លែល្ពៅ
នៅក្នុងផ្លែល្ពៅនេះមានសារធាតុចិញ្ចឹមជាច្រើន រួមជាមួយសារធាតុដទៃជាច្រើនទៀតដូចជា ៖ កាលស្យូម ប៉ូតាស្យូម ម៉ាញ៉េស្យូម ដែក និងសារធាតុមួយចំនួនទៀតដែលអាចជួយកូនអ្នកឲ្យលូតលាស់ល្អគ្រប់ផ្នែក ជាពិសេសខួរក្បាលតែម្តង។
ផ្កាខាត់ណា
នៅក្នុងផ្កាខាត់ណានេះមានសារធាតុចិញ្ចឹមខ្ពស់ រួមជាមួយប្រូតេអ៊ីន វីតាមីន និងកាលស្យូមជាច្រើនដែលអាចជួយឲ្យឆ្អឹងកូនលូតលាស់បានល្អ និងផ្នែកដទៃទៀត។
ប៉េងប៉ោះ
ក្រោយពេលដែលកូនអ្នកញ៉ាំប៉េងប៉ោះនេះរួច គេនឹងមានប្រព័ន្ធការពាររាងកាយដ៏រឹងមាំមួយ ដោយសារតែនៅក្នុងប៉េងប៉ោះនេះមានវីតាមីនC និងEជាច្រើននៅក្នុងនោះ។
ការ៉ុត
នៅក្នុងការ៉ុតនេះមានសារធាតុចិញ្ចឹមជាច្រើនដែលអាចជួយឲ្យកូនអ្នកមានស្បែកស្អាត មានប្រព័ន្ធការពាររាងកាយរឹងមាំ មានភ្នែកភ្លឺ និងជួយការពារប្រព័ន្ធដង្ហើមរបស់កូនទៀតផង ថែមទាំងអាចជួយធ្វើឲ្យខួរក្បាលកូនលូតលាស់បានល្អដូចគ្នា៕