ខាងក្រោមនេះ យើងខ្ញុំនឹងបង្ហាញអ្នកពីវិធីទាំង៤ដែលអាចធ្វើឲ្យកូនគេងលក់ស្រួល មិនរករឿងឡើយ។ តើមានអ្វីខ្លះទៅ?

  1. នៅពេលដែលកូនចេញមកពីពោះម្តាយមកដល់ពិភពខាងក្រៅ ដោយមិនមានទឹកភ្លោះរុំជុំវិញការពារខ្លួនដូចនៅក្នុងស្បូន កូននឹងគ្មានអារម្មណ៍សុវត្ថិភាពឡើយ។ ជាហេតុដែលធ្វើឲ្យកូនគេងមិនស្ងប់ឡើយ។ ដូចនេះ អ្នកម្តាយគួរតែយកកន្សែងធំរុំខ្លួនកូនដូចជាក្នុងពេទ្យគ្រូពេទ្យរុំឲ្យអញ្ចឹង។ ការរុំបែបនេះ នឹងធ្វើឲ្យកូនមានអារម្មណ៍សុវត្ថិភាព ហើយគេងលក់យ៉ាងស្រួលតែម្តង។
  2. នៅពេលដែលកូនមិនទាន់គ្រប់៣ខែ អ្នកម្តាយគួរតែគេងកំដរកូនឲ្យបានច្រើន ព្រោះការគេងកំដរនេះ នឹងធ្វើឲ្យកូនមានអារម្មណ៍សុវត្ថិភាព ហើយគេងបានយូរ មិនងើបមករករឿងអ្នកម្តាយច្រើនឡើយ។
  3. ប្រសិនជាអ្នកម្តាយទុកឲ្យកូនគេងតែឯង អាចយកកន្សែង ឬអាវរបស់អ្នកដណ្តប់ឲ្យកូនបាន ព្រោះពេលដែលកូនហិតត្រូវក្លិនអ្នកម្តាយ នោះនឹងធ្វើឲ្យកូនគេងបានស្ងប់ខ្លាំងណាស់។
  4. នៅពេលដែលកូនគេងលក់លើដៃរបស់អ្នក មុនពេលដែលអ្នកដាក់កូនចុះលើគ្រែ អ្នកម្តាយគួរតែលើកដៃកូនថ្នមៗឡើងមកសិន បើកូនទម្លាក់ចុះ ហើយមិនបើកភ្នែក មានន័យថា កូនគេងលក់ហើយ។ នៅពេលដែលអ្នកដាក់កូនចុះ គួរតែដាក់គូទចុះមុន រួចបង្វិលក្បាលរបស់កូនឲ្យបានល្អ ហើយទះដៃកូនថ្នមៗ នោះកូននឹងគេងលក់បានស្រួលណាស់៕
ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង