ការស្ងាបច្រើនពេកកើតឡើងដោយសារតែការថយចុះនៃចំនួនអុកស៊ីសែនក្នុងឈាម។ វាច្រើនតែទាក់ទងនឹងការដេក ឬកង្វះការដេក ឬកង្វះខ្យល់បរិសុទ្ធ។ ការស្ងាបត្រូវបានគេចាត់ទុកថាមានចំនួនច្រើននៅពេលវាកើតឡើងច្រើនជាងម្តងក្នុងមួយនាទី។ ទោះបីជាវាច្រើនតែធ្វើអោយងងុយដេក ឬធុញទ្រាន់ក៏ដោយ ក៏វាអាចបណ្តាលមកពីជំងឺណាមួយដែរដូចជា ជំងឺឆ្គួតជ្រូក ឬមានដុំសាច់។
បញ្ហាជំងឺដែលធ្វើអោយស្ងាបច្រើនដងមានដូចជា ឆ្គួតជ្រូក, ដុំសាច់ក្នុងខួរក្បាល, រលាកខួរក្បាល, ជំងឺក្រិនច្រើនកន្លែង និងជំងឺ Supra Nuclear Palsy។ ជំងឺអស់ទាំងនេះធ្វើអោយមានប្រតិកម្ម Vasovagal Reaction។ ប្រតិកម្មនេះកើតឡើងដោយសារតែសរសៃប្រសាទ Vagas បង្កើនសកម្មភាព ធ្វើអោយចង្វាក់បេះដូង និងសម្ពាធឈាមថយចុះ ទើបធ្វើអោយអ្នកជំងឺស្ងាប។
ការស្ងាបច្រើនពេកដែលបណ្តាលមកពីជំងឺខាងលើ ច្រើនតែមានជាប់ពាក់ព័ន្ធនឹងរោគសញ្ញាផ្សេងៗទៀតដូចជា ចង្អោរ, វិលមុខ, ញ័រដើមទ្រូង និងសន្លប់។ បើសិនជាការស្ងាបច្រើនកើតឡើងជាមួយរោគសញ្ញាទាំងនេះមែន ចូរស្វែងរកជំនួយពីគ្រូពេទ្យ៕
