Join with Health.com.kh on Telegram

ភាគច្រើននៃពួកយើងសុទ្ធតែដឹងហើយថាការបិតបន្ទះត្រសក់លើភ្នែកអាចជួយដោះស្រាយបញ្ហាស្នាមដក់ខ្មៅក្រោមភ្នែក និងបំបាត់អាការៈហើមភ្នែកបានយ៉ាងប្រសើរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែប្រហែលជាមិនធ្លាប់ដឹងទេថានៅមានផ្លែឈើមួយចំនួនទៀតក៏មានប្រសិទ្ធភាពមិនចាញ់ត្រសក់ដែរ។ ខាងក្រោមវេបសាយសុខភាព  Health.com.kh នឹងបង្ហាញឱ្យដឹងពីផ្លែឈើទាំងនោះ ៖

១. ផ្លែល្ហុង

អ្វីដែលអ្នកត្រូវធ្វើ គឺគ្រាន់តែបន្ទះល្ហុងទុំស្ដើងមួយបន្ទះលើភ្នែកនៅពេលសម្រាក។ អ្នកក៏អាចកិនល្ហុងទុំមួយដុំតូចឱ្យម៉ដ្ឋដោយប្រើសមនិងលាបសាច់ល្ហុងនេះក្រោមភ្នែក។ រងចាំសម្រាប់រយៈពេល ១០ នាទី សឹមសម្អាតចេញ។

២. ផ្លែចេក

ក៏ដូចនឹងល្ហុងដែរ អ្នកអាចកិនផ្លែចេកទុំមួយដុំតូចឱ្យម៉ដ្ឋដោយប្រើសម រួចលាបក្រោមភ្នែក។ រងចាំសម្រាប់រយៈពេលពី ១៥ ទៅ ២០ នាទី សឹមសម្អាតចេញ។ អ្នកក៏អាចប្រើប្រាស់សំបកចេកបំបាត់ស្នាមរង្វង់ខ្មៅជុំវិញភ្នែកនិងបន្ថយភាពហើមផងដែរ។ អ្វីដែលអ្នកត្រូវធ្វើ គឺគ្រាន់តែកាត់សំបកចេកឱ្យចេញជារាងបួនជ្រុង រួចដាក់បិតលើត្របកភ្នែកសម្រាប់រយៈពេលពី ២ ទៅ ៣ នាទីជាការស្រេច។ អ្នកអាចយកសំបកចេកទៅដាក់ក្នុងទូរទឹកកកឱ្យត្រជាក់ជាមុនសិនក៏ល្អ។

៣. ផ្លែបឺរ

អ្វីដែលអ្នកត្រូវធ្វើ គឺគ្រាន់តែប្រើប្រាស់សមកិនសាច់បឺរទុំមួយដុំតូចឱ្យម៉ដ្ឋ រួចលាបក្រោមភ្នែក។ រងចាំសម្រាប់រយៈពេលពី ២ ទៅ ៣ នាទី សឹមលាងសម្អាតចេញជាមួយទឹកត្រជាក់៕