បើ​យោង​ទៅ​តាម National Sleep Foundation បាន​ណែនាំ​ថា ការ​អនុវត្ត​ទម្លាប់​គេង​ដែល​មាន​អនាម័យ​ល្អ​នឹង​ជំរុញ​ដល់​ការ​គេង​ប្រកបដោយ​សុខភាព​ល្អ ហើយ​ទៀងទាត់​ទៀត​។ ការ​គេង​ដែល​មាន​អនាម័យ​ល្អ​នោះ​គួរតែ​មាន​ដូច​ជា​៖

១-ចៀសវាង​ការ​ញ៉ាំ​អាហារ​ច្រើន​ៗ​មុន​ពេល​គេង
២-ចៀសវាង​ផលិតផល​នីកូទីន គ្រឿង​ស្រវឹង និង​កាហ្វេ​មុន​ពេល​គេង
៣-ចូរ​មាន​ទម្លាប់​គេង​ម៉ោង​ដដែល​ៗ​រាល់ថ្ងៃ ទោះបីជា​ថ្ងៃ​ចុង​ស​ប្តា​ហ៍​ក៏​ដោយ ព្រោះ​វា​នឹង​ជួយ​ឲ្យ​អ្នក​ឆាប់​គេង​ហើយ​ឆាប់​ភ្ញាក់​នៅ​ពេល​ព្រឹក

៤-សម្រប​ខ្លួន​នូវ​ទម្លាប់​បន្ធូរ​អារម្មណ៍​នៅ​ពេល​យប់​ដូច​ជា ការ​អាន​សៀវភៅ ស្តាប់​ចម្រៀង ឬ​ងូតទឹក​ក្តៅ​ឧណ្ហ​ៗ ព្រមទាំង​ការ​តាំងសមាធិ
៥-ចៀស​ឲ្យ​ឆ្ងាយ​ពី​ពន្លឺ​ដែល​ភ្លឺ​ខ្លាំង និង​កញ្ចក់​កុំព្យូទ័រ ទូរទស្សន៍ ឬ​ទូរស័ព្ទ​ឆ្លាត​វ៉ៃ ព្រោះ​ពន្លឺ​ទាំងនេះ​អាច​ភ្ញោ​ច​ដល់​ខួរក្បាល​ឲ្យ​ពិបាក​គេង​លក់​បាន
៦-អ្នក​ក៏​អាច​ប្រើ​កន្សែង​រុំ​ភ្នែក​ដើម្បី​កុំ​ឲ្យ​មាន​អារម្មណ៍​ចាំង​ភ្នែក​ដែល​នាំ​ឲ្យ​ពិបាក​គេង​លក់​ដែរ​៕