ខាងក្រោមនេះ យើងខ្ញុំនឹងបង្ហាញអ្នកពីរបៀបគេងដែលអ្នកម្តាយគួរតែចៀសវាង ទើបអាចធ្វើឲ្យកូនក្នុងផ្ទៃដកដង្ហើមស្រួល។ តើមានអ្វីខ្លះទៅ?
- អ្នកម្តាយមិនគួរយកភួយគ្របមុខគេងទេ ព្រោះនៅពេលដែលអ្នកគ្របមុខជិត នឹងធ្វើឲ្យអ្នកពិបាកដកដង្ហើម។ ជាហេតុដែលធ្វើឲ្យកូនក្នុងផ្ទៃពិបាកដកដង្ហើមដូចគ្នា។ ដូចនេះ ការយកភួយមកគ្របមុខគេង អ្នកម្តាយមិនគួរឲ្យកើតមាននោះទេ។
- នៅពេលដែលជិតគ្រប់ខែ អ្នកម្តាយមិនគួរគេងផ្ងារឡើយ ព្រោះអាចធ្វើឲ្យអ្នកម្តាយពិបាកដកដង្ហើម ថែមទាំងធ្វើឲ្យឈាមដើរមិនស្រួល។ ជាហេតុដែលធ្វើឲ្យកូនខ្វះអុកស៊ីសែនក្នុងការដកដង្ហើម។ ដូចនេះ អ្នកម្តាយគួរតែប្រយ័ត្នឲ្យបានខ្ពស់។
- អ្នកម្តាយមិនគួរយកដៃទៅធ្វើជាខ្នើយកើយក្នុងពេលគេងនោះទេ ព្រោះអាចធ្វើឲ្យដៃ និងរាងកាយរបស់អ្នកស្ពឹក ដោយធ្វើឲ្យឈាមដើរមិនប្រក្រតីនោះទេ។ ជាហេតុដែលធ្វើឲ្យកូនលូតលាស់មិនបានល្អឡើយ៕
