វេបសាយhealth.com.kh នឹងបង្ហាញអ្នកពីភរិយាដែលអាចធ្វើឲ្យស្វាមីក្លាយជាសេដ្ឋីបាន។ តើមានអ្វីខ្លះទៅ?

  1. អ្នកមិនគួរគ្រប់គ្រងស្វាមីអ្នកពេកទេ ដោយប្រើក្តីស្រឡាញ់របស់អ្នកដើម្បីធ្វើឲ្យគេស្តាប់អ្នកវិញ ទើបមិនធ្វើឲ្យគេធុញនឹងអ្នក។ ជាពិសេស អ្នកមិនគួរនិយាយដើមប្តីអ្នកប្រាប់នារីផ្សេងឡើយ ទើបមិនធ្វើឲ្យប៉ះពាល់ដល់មនោសញ្ចេតនាអ្នក។
  2. អ្នកមិនគួរទៅកែប្រែគេឡើយ ព្រោះអ្នកមិនអាចកែចរិតគេបានឡើយ ថែមទាំងអាចធ្វើឲ្យគេមិនពេញចិត្តទៀតផង។ ដូចនេះ អ្នកគួរតែសាកល្បងធ្វើអ្វីដើម្បីជះឥទ្ធិពលដល់គេ នោះគេនឹងអាចកែចរិតមិនល្អរបស់គេចោលយ៉ាងងាយ។
  3. ក្រោយពេលដែលគេត្រឡប់មកផ្ទះវិញ អ្នកមិនគួរចាកចេញពីផ្ទះឡើយ ព្រោះមនុស្សដែលគេចង់ឃើញជាងគេគឺអ្នក។ ជាពិសេស អ្នកក៏មិនគួររអ៊ូដាក់គេដែរ ទើបអាចធ្វើឲ្យគេអាចសម្រាកខួរក្បាលបាន។
  4. អ្នកមិនគួរវិនិច្ឆ័យដោយគ្មានភស្តុតាង ហើយចេះតែសង្ស័យស្វាមីអ្នកឡើយ ព្រោះអាចធ្វើឲ្យអ្នកឈ្លោះគ្នាខ្លាំង។ ជាហេតុដែលធ្វើឲ្យទេវតាទ្រព្យមិនហ៊ានមកជិតឡើយ។
  5. អ្នកមិនគួរស្តីបន្ទោសស្វាមីអ្នកឡើយ ព្រោះអាចធ្វើឲ្យគេខឹងនឹងអ្នក ថែមទាំងអាចធ្វើឲ្យសំណាងល្អរបស់ប្តីអ្នករត់អស់ទៀតផង។ ដូចនេះ អ្នកគួរតែប្រើការនិយាយតាមសម្រួល ដើម្បីដោះស្រាយបញ្ហាទាំងឡាយ។
  6. អ្នកទាំងពីរគួរតែមានចិត្តស្របគ្នា ដើម្បីអាចចាប់ដៃគ្នា កសាងគ្រួសារដែលរុងរឿង និងមានសុភមង្គល។ ដូចនេះ អ្នកនឹងអាចរស់នៅបានយ៉ាងសុខស្រួលជាមិនខានឡើយ៕