ប្រសិនជាអ្នកមិនចង់ឲ្យបេះដូងអ្នកប្រឈមមុខនឹងគ្រោះថ្នាក់ វេបសាយhealth.com.khនឹងបង្ហាញអ្នកពីទម្លាប់ដែលអ្នកគួរតែចៀសកុំធ្វើ ទើបអាចការពារបេះដូងអ្នកបាន។ តើមានអ្វីខ្លះទៅ?
- អ្នកមិនគួរធ្វើការច្រើនពេកនោះទេ ព្រោះនៅពេលដែលអ្នកនឿយហត់ហួសកម្រិត នឹងអាចធ្វើឲ្យប៉ះពាល់ដល់បេះដូងជាខ្លាំង។ ជាហេតុដែលធ្វើឲ្យបេះដូងអ្នកដំណើរការមិនល្អឡើយ។ ដូចនេះ អ្នកគួរតែសម្រាកឲ្យបានច្រើន ទើបមិនធ្វើឲ្យបេះដូងអ្នកគ្រោះថ្នាក់។
- ការជក់បារី និងញ៉ាំស្រាច្រើន នឹងធ្វើឲ្យអ្នកបេះដូងអ្នកដំណើរការមិនប្រក្រតី។ ជាហេតុដែលធ្វើឲ្យអ្នកអាចកើតជំងឺបេះដូងបាន។ ដូចនេះ អ្នកគួរតែឈប់ជក់បារី និងញ៉ាំស្រា ទើបអាចធ្វើឲ្យបេះដូងអ្នកមានសុខភាពល្អ។
- ការចូលចិត្តទិញម្ហូបដែលចម្អិនស្រាប់មកញ៉ាំ នឹងធ្វើឲ្យប៉ះពាល់ដល់បេះដូងអ្នក ព្រោះម្ហូបទាំងនោះសម្បូរទៅដោយខ្លាញ់ និងសារធាតុជាច្រើនដែលអាចបំផ្លាញសុខភាពបេះដូងអ្នកបានយ៉ាងងាយ។ ដូចនេះ អ្នកគួរតែចម្អិនម្ហូបមកពិសារខ្លួនឯង ទើបអាចការពារបេះដូងអ្នកបាន។
- មិនថាមានរឿងធំប៉ុណ្ណាទេ ក៏អ្នកមិនគួរឆេវឆាវដែរ ព្រោះនៅពេលដែលអ្នករក្សាអារម្មណ៍ឆេវឆាវ នឹងធ្វើឲ្យសម្ពាធឈាមអ្នកឡើងខ្ពស់ ថែមទាំងអាចធ្វើឲ្យបេះដូងអ្នកកើតមានបញ្ហាទៀតផង។ ដូចនេះ មិនថាក្នុងស្ថានភាពណាទេ អ្នកគួរតែរក្សាចិត្តឲ្យស្ងប់ ទើបអាចដោះស្រាយបញ្ហាបាន ហើយមិនធ្វើឲ្យប៉ះពាល់ដល់សុខភាពអ្នកទៀតផង៕
