Join with Health.com.kh on Telegram

​ដំណើរការ​ស្មុគស្មាញ នៃ​ការរំលាយ​អាហារ បាន​ប៉ះពាល់​ដល់​ពេលវេលា ទីតាំង និង រោគសញ្ញា​ជាក់លាក់​ណាមួយ នៃ​ការ​អាឡែ​ហ្ស៊ី​ចំណីអាហារ​។ រោគសញ្ញា​ទាំងអស់ នៃ​ការ​អាឡែ​ហ្ស៊ី​ចំណីអាហារ គឺ​កើតឡើង​ក្នុង​រយៈពេល​ពីរ ទៅ បី​នាទី ឬ ទៅ​ប៉ុន្មាន​ម៉ោង​ក្រោយមក បន្ទាប់​ពី​ការ បរិភោគ​អាហារ​រួច​។ អ្នក​ធ្លាប់មាន​អាឡែ​ហ្ស៊ី​ចំណីអាហារ ជាធម្មតា តែង​មាន​បទពិសោធន៍ ដូចជា រមាស់​នៅក្នុង​មាត់ និង ពិបាក​លេប និង ពិបាក​ក្នុង​ការដកដង្ហើម​។ បន្ទាប់មក នៅក្នុង​អំឡុងពេល ការរំលាយ អាហារ​នៅក្នុង ក្រពះ និង ពោះវៀន វា​តែងតែ​មាន​រោគសញ្ញា ដូចជា ចង្អោ​រ ក្អួត រាគ និង ការឈឺ​ចុក​រមួល​ពោះ​។ វា​តែងតែ​មាន​ការយល់ច្រលំ រវាង រោគសញ្ញា​នៃ​ការ​អាឡែ​ហ្ស៊ី​ចំណីអាហារ និង រោគសញ្ញា នៃ​ការ​ដែល​មិន​មាន​ភាព​សុំា​ជាមួយ​ម្ហូបអាហារ​។​

​ដូចដែល​បាន​រៀបរាប់​ខាងលើ សារធាតុ​ដែល​ធ្វើឱ្យ​មាន​អាឡែ​ហ្ស៊ី ត្រូវ​បាន​ស្រូបយក និង​បញ្ចូល​ទៅក្នុង​ប្រព័ន្ធ​ឈាម​។ នៅពេលដែល ពួកគេ បាន​ទៅ​ដល់​ស្បែក សារធាតុ​ដែល​ធ្វើ​ឱ្យ​អាឡែ​ហ្ស៊ី អាច​ធ្វើឱ្យ​មាន​ជា​កន្ទួល​ក្រហម ឬ មាន​ជា​ជំងឺ​ត្រអក ឬ ជំងឺ​រើម ហើយ​នៅពេល ដែល​ពួក​វា​ទាំងនេះ​បាន​ទៅដល់​សួត ពួកវា​នឹង​អាច​ធ្វើឱ្យ​បង្ក​មាន​ជា​ការ​កើត​ជំងឺ​ហឺត​។ ក៏ដូចជា សារធាតុ​ដែល​ធ្វើ​ឱ្យ​អាឡែ​ហ្ស៊ីស ធ្វើដំណើរ​ក្នុង​សរសៃឈាម ដែល​វា​អាច​បង្ក​ឱ្យ​មាន​ការឈឺ​ក្បាល​តិចៗ ភាពទន់ខ្សោយ​អស់កម្លាំង និង ធ្វើឱ្យ​មាន​ប្រតិកម្ម​ធ្ងន់ធ្ងរ ដែល​ជាហេតុ​ធ្វើឱ្យ មាន​ការធ្លាក់ចុះ សម្ពាធ​ឈាម​មួយ​រំពេច​។ ចំពោះ​ប្រតិកម្ម​ធ្ងន់ធ្ងរ ឬ​អាណា​ហ្វីឡា​កទិច (Anaphylactic) គឺ​វា​មាន​ភាព​ធ្ងន់ធ្ងរ សូម្បី​តែ​នៅពេលដែល​ពួកគេ​បាន ចាប់ផ្តើម​ជាមួយ​នឹង រោគសញ្ញា ស្រាល​ក៏ដោយ ដូចជា ការចាក់​ឆៀបៗ​នៅក្នុង មាត់ និង បំពង់ក ឬ មិន​ស្រួល​នៅក្នុង​ពោះ​។ ពួកគេ​អាច ត្រូវ​បាន​ធ្ងន់ធ្ងរ​ជាង​នេះ ប្រសិនបើ​មិន​បាន​ព្យាបាល យ៉ាង​ឆាប់រហ័ស ៕