Join with Health.com.kh on Telegram

មេ​តា​ស្តា​ការ​រាលដាល​ទៅ​ឆ្អឹង​កើតឡើង​នៅពេលដែល​កោសិកា​មហារីក​រីក​រាល​ដា​លពី​តំបន់​ដើម​ណាមួយ មកកាន់​ឆ្អឹង​។​ស្ទើរតែ​គ្រប់​ប្រភេទ​នៃ​ជំងឺមហារីក​ទាំងអស់​សុទ្ធតែអាច​រីក​រាលដា​ល​ទៅ​ឆ្អឹង​បាន​ទាំងអស់​។​ប៉ុន្ដែ​ប្រភេទ​នៃ​ជំងឺមហារីក​មួយចំនួន​ទំនង​ជា​ងាយ​ក្នុង​ការរីក​រាលដាល​ទៅ​ឆ្អឹង​ជាង​រួម​មាន​ជំងឺ​មហារីក​សុដន់ និង​មហារីក​ក្រពេញប្រូ​ស្តាត​ជាដើម​។​

​មេ​តា​ស្តា​ទៅ​ឆ្អឹង​អាច​កើតមាន​នៅក្នុង​ឆ្អឹង​ណា​មួយ​ប៉ុន្តែ​ជាទូទៅ​កើតឡើង​នៅក្នុង​ឆ្អឹង​អាង​ត្រគាក និង​ឆ្អឹង​កង​ខ្នង ។​មេ​តា​ស្តា​ទៅ​ឆ្អឹង (bone metastasis)​អាច​ជា​សញ្ញា​ដំបូង​ដែល​អ្នក​មាន​ជំងឺ មហារីក ឬ​មេ​តា​ស្តា​ទៅ​ឆ្អឹង (bone metastasis)​អាច​កើត​១​ឆ្នាំ​បន្ទាប់ពី​ការព្យាបាល​ជំងឺ​មហារីក ។​មេ​តា​ស្តា​ទៅ​ឆ្អឹង​(bone metastasis)​អាច​បង្ក​ឱ្យ​មាន​ការឈឺ​ចាប់ និង​ធ្វើអោយ​ខូច​ដល់​ឆ្អឹង​។  ក្នុង​ករណី​លើកលែង​ដ៏​កម្រ​មួយចំនួន​ជំងឺមហារីក​ដែល​បាន​រីក​រាលដាល​ទៅ​ឆ្អឹង​មិនអាច ត្រូវបាន​ព្យាបាល​អោយ​ជាសះស្បើយ​ទៅ​នោះ​ទេ​។ ការព្យាបាល​អាចជួយ​កាត់បន្ថយ ការឈឺចាប់ និង​រោគសញ្ញា​ផ្សេង​ទៀត​នៃ​មេ​តា​ស្តា​ឆ្អឹង​នេះ​។​

​សញ្ញា និង​រោគសញ្ញា​នៃ​មេ​តា​ស្តា​ទៅ​ឆ្អឹង​នេះ​រួមមាន​:

  • ​ការឈឺ​ឆ្អឹង​
  • ​បាក់ឆ្អឹង​
  • ​នោម​ទាស់​
  • ​បន្ទោរ​បង់​ដោយ​មិនដឹង​ខ្លួន​
  • ​ទន់ខ្សោយ​នៅក្នុង​ជើង​
  • ​កម្រិត​ខ្ពស់​នៃ​ជាតិ​កាល់ស្យូម​ក្នុង​ឈាម​( hypercalcemia )​ដែល​អាច​បង្ក​ឱ្យ​ក្អួត ចង្អោ​រ និង​មាន​ភាព​ភាន់ច្រឡំ​ច្រើន​

​តើ​នៅពេល​ដែល​ត្រូវ​ទៅ​ជួប​គ្រូពេទ្យ​?
​ប្រសិនបើ​អ្នក​ធ្លាប់​មាន​សញ្ញា​រ៉ាំរ៉ៃ និង​រោគសញ្ញា​ដែល​ធ្វើអោយ​អ្នក​បារម្ភ សូម​ធ្វើការ​ណាត់ជួប ជាមួយ​វេជ្ជបណ្ឌិត​របស់​អ្នក​។ ប្រសិនបើ​អ្នក​ធ្លាប់​បាន​ព្យាបាល​ជំងឺមហារីក​ក្នុង​ពេល​កន្លងមក ប្រាប់​ទៅ​វេជ្ជបណ្ឌិត​របស់​អ្នក​អំពី​ប្រវត្តិសាស្ត្រ​វេជ្ជសាស្ត្រ​របស់​អ្នក និង​អ្វី​ដែល​អ្នក​មាន​ការ​ព្រួយ បារម្ភ​អំពី​សញ្ញា និង​រោគសញ្ញា​របស់​អ្នក​៕