គ្មាននរណាម្នាក់ចង់ឱ្យសក់ជ្រុះអស់រហូតក្លាយជាទំពែកឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែកត្តាមួយចំនួនអាចបណ្ដាលឱ្យបញ្ហានេះកើតឡើងគួរឱ្យបារម្ភ! ទោះជាយ៉ាងណាថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយប្រយុទ្ធប្រឆាំងជាមួយអាការៈទំពែក ៖

១. កាត់បន្ថយស្ត្រេស

ភាពតានតឹងក្នុងអារម្មណ៍ ឬស្ត្រេសជាកត្តាចម្បងបំផុតមួយដែលបណ្ដាលឱ្យសក់ជ្រុះខ្លាំងរហូតក្លាយជាទំពែក។ នេះហើយជាមូលហេតុដែលអ្នកចាំបាច់គួរព្យាយាមគ្រប់គ្រងភាពស្ត្រេសតាមវិធីមួយចំនួនដូចជាហាត់យូហ្កា ទទួលការម៉ាស្សា ស្ដាប់តន្ត្រី ឬអនុវត្តសកម្មភាពណាដែលជួយឱ្យអារម្មណ៍ធូរស្បើយ។

២. ប្រើប្រាស់ខ្ទឹមបារាំង

អ្វីដែលអ្នកត្រូវធ្វើ គឺគ្រាន់តែចិញ្ច្រាំខ្ទឹមបារាំងមួយចំនួនរួចពូតច្របាច់យកទឹកខ្ទឹមបារាំងស្រស់នោះមកលាបម៉ាស្សាលើតំបន់ស្បែកក្បាលដែលទទួលរងផលប៉ះពាល់។ លាងសម្អាតចេញជាមួយទឹកធម្មតា ឬប្រើប្រាស់សាប៊ូកក់សក់កម្រិតស្រាលកក់សម្អាតសក់ចេញដើម្បីបំបាត់ក្លិនខ្ទឹម។

៣. ទឹកខ្មេះផ្លែប៉ោម

លាយទឹកខ្មេះផ្លែប៉ោមជាមួយទឹកធម្មតាក្នុងបរិមាណស្មើគ្នា រួចប្រើប្រាស់ទឹកល្បាយនេះដើម្បីសម្អាតសក់ជាលើកចុងក្រោយបន្ទាប់ពីកក់សក់រួច។ ទោះជាយ៉ាងណាដើម្បីទទួលបានលទ្ធផលប្រសើរត្រូវជ្រើសរើសប្រើប្រាស់ទឹកខ្មេះផ្លែប៉ោមសរីរាង្គ។

៤. ខ្ទិះដូងជាមួយប្រទាលកន្ទុយក្រពើ

ទាំងខ្ទិះដូងនិងជែលប្រទាលកន្ទុយក្រពើស្រស់សុទ្ធតែអាចផ្ដល់ផលល្អៗជាច្រើនដល់សុខភាពស្បែកក្បាលនិងសក់។ អ្វីដែលអ្នកត្រូវធ្វើ គឺគ្រាន់តែលាយគ្រឿងផ្សំទាំងពីរក្នុងបរិមាណស្មើគ្នា រួចកូរលាយឱ្យក្លាយជាល្បាយខាប់ៗ។ លាបម៉ាស្សាល្បាយលើស្បែកក្បាលមុនពេលចូលគេង បន្ទាប់មកពាក់មួកផ្លាស្ទិកឱ្យជិត។ កក់សម្អាតសក់ចេញដូចពេលធម្មតានៅព្រឹកបន្ទាប់។

៥. ទទួលទានអាហារមានតុល្យភាព

របបអាហារមានតុល្យភាព គឺចាំបាច់ណាស់ដើម្បីបញ្ឈប់ភាពទំពែក។ នេះក៏ព្រោះតែរបបអាហារមានតុល្យភាពអាចផ្ដល់ឱ្យរាងកាយនូវសារធាតុចិញ្ចឹមគ្រប់គ្រាន់ដើម្បីផ្គត់ផ្គង់ទៅឬសនៃសក់។ អាហាររបស់អ្នកក៏គួរមានផ្ទុកជាតិដែក ជាតិស័ង្កសី ជាតិទង់ដែង ជាតិអ៊ីយ៉ូដ វីតាមីន A វីតាមីន B6 វីតាមីន B12 វីតាមីន C និងវីតាមីន E។ ហើយក៏កុំភ្លេចត្រីសម្បូរខ្លាញ់ គ្រាប់ធញ្ញជាតិនិងគ្រាប់ពូជដែលមានផ្ទុកជាតិខ្លាញ់សុខភាពល្អជួយទប់ស្កាត់ការរលាកដែលជាអ្វីមួយបណ្ដាលឱ្យអាការៈទំពែកកាន់តែធ្ងន់ធ្ងរឡើង៕