តើអ្នកធ្លាប់ដឹងទេថាអ្នកអាចនឹងទទួលបាននូវប្រអប់ដៃដែលទន់រលោងស្អាតមើលទៅក្មេងជាងវ័យដោយចំណាយពេលមិនដល់ ១ នាទីផង? (អាន ៖ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ? ) ធ្វើបែបណាទៅ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញពីរូបមន្តបែបធម្មជាតិជួយធ្វើឱ្យប្រអប់ដៃទន់រលោង ៖

  • អ្វីដែលអ្នកត្រូវការ

១. ស្ករសពី ១ ទៅ ២ ស្លាបព្រាបាយ

២. ប្រេងអូលីវពី ១ ទៅ ២ ស្លាបព្រាបាយ ឬប្រសិនបើមិនមានអ្នកអាចប្រើប្រាស់ប្រេងដូងជំនួសក៏បាន

  • របៀបអនុវត្ត

អ្នកអាចលាយគ្រឿងផ្សំទាំង ២ ចូលគ្នា រួចសឹមប្រើប្រាស់ល្បាយដុសខាត់លើស្បែកដៃថ្នម ឬអ្នកអាចចាក់ស្ករសលើបាតដៃ រួចសឹមបន្ថែមប្រេងអូលីវ រួចត្រដុសបាតដៃទាំង ២ សិន សឹមលាបឱ្យពេញប្រអប់ដៃ។ អ្នកត្រូវខាត់ម៉ាស្សាថ្នមៗក្នុងចលនាបែបរង្វង់ឱ្យពេញប្រអប់ដៃដើម្បីកម្ចាត់ស្បែកដែលងាប់ៗចេញ។ ចុងក្រោយគ្រាន់តែលាងសម្អាតចេញជាមួយទឹកធម្មតា និងលាបឡេផ្ដល់សំណើមជាការស្រេច៕