ការញ័រដើមទ្រូងអាចបណ្តាលមកពីអាការៈស្ត្រេស ហាត់ប្រាណ ការប្រើប្រាស់ថ្នាំ ឬជំងឺណាមួយ តែកម្រណាស់។ ទោះបីជាការញ័រដើមទ្រូងអាចជារឿងគួរឱ្យបារម្ភក៏ដោយ ក៏វាច្រើនតែគ្មានបង្កគ្រោះថ្នាក់អ្វីដែរ។ ស្ថិតក្នុងករណីដែលកម្រនោះគឺថា ការញ័រដើមទ្រូងអាចជារោគសញ្ញានៃជំងឺបេះដូងដ៏ធ្ងន់ធ្ងរដូចជា បេះដូងដើរខុសចង្វាក់ដែលត្រូវការការព្យាបាល។
ការញ័រដើមទ្រូងអាចឱ្យអ្នកយល់ថាបេះដូងកំពុងតែ៖
• ឈប់ដើរ
• ញ៉ាក់ខ្លាំង
• ដើរលឿនពេក
• ច្របាច់ខ្លាំងជាងធម្មតា
អ្នកប្រហែលជាយល់ថា ការញ័រដើមទ្រូងនោះកើតឡើងក្នុងបំពង់ក ឬក ព្រមទាំងទ្រូងផង។ ការញ័រដើមទ្រូងអាចកើតឡើងមិនខ្វល់ថាអ្នកធ្វើសកម្មភាព ឬសម្រាក ឈរ អង្គុយ ឬគេងឡើយ។
ការញ័រដើមទ្រូងដែលកើតឡើងមិនញឹកញាប់ និងយូរបំផុតពីរបីវិនាទីនោះ គឺមិនបាច់វាយតម្លៃអ្វី ឡើយ។ បើសិនជាអ្នកមានប្រវត្តិកើតជំងឺបេះដូង និងឧស្សាហ៍ញ័រដើមទ្រូង ឬញ័រដើមទ្រូងកាន់តែខ្លាំង គួរតែពិគ្រោះជាមួយគ្រូពេទ្យហើយ។ គាត់អាចនឹងណែនាំឱ្យធ្វើតេស្តតាមដានបេះដូងដើម្បីឱ្យច្បាស់ថា ការញ័រដើមទ្រូងរបស់អ្នកបណ្តាលមកពីបញ្ហាបេះដូងធ្ងន់ធ្ងរដែរឬអត់។
ចូរស្វែងរកការព្យាបាលបន្ទាន់បើសិនជាការញ័រដើមទ្រូងនោះមានជាប់ពាក់ព័ន្ធនឹងរឿងដូចខាងក្រោមនេះ៖
• មិនស្រួលក្នុងទ្រូង ឬឈឺទ្រូង
• ខ្យល់គរ
• ពិបាកដកដង្ហើមខ្លាំង
• វិលមុខខ្លាំង៕