ភាគច្រើននៃពួកយើងសុទ្ធតែធ្លាប់បានដឹងហើយ អំពីអត្ថប្រយោជន៍ដ៏អស្ចារ្យនៃការទទួលទានផ្លែទៀបបារាំងចំពោះសុខភាព។ ( អាន ៖ ចេះតែអស់កម្លាំង ឈឺសាច់ដុំ ដេកមិនលក់ អារម្មណ៍ភិតភ័យអាចដោះស្រាយបាន) ទោះជាយ៉ាងណា អ្នកដែលដឹងថា មិនត្រឹមតែផ្លែប៉ុណ្ណោះទេ ប៉ុន្តែស្លឹកនៃផ្លែទៀបបារាំងក៏មានលក្ខណៈសម្បត្តិជាថ្នាំដ៏មានប្រសិទ្ធិភាពខ្ពស់មិនគួរឲ្យជឿអាចទប់ទល់ព្យាបាលនឹងបញ្ហាសុខភាពនានា សូម្បីតែជំងឺមហារីក បានដែរនោះ គឺមានតិចណាស់។ ស្លឹកទៀបបារាំង គឺមានផ្ទុកសម្បូរដោយសមាសធាតុល្អប្រសើរជាច្រើនចំពោះសុខភាពរួមមានប្រូតេអ៊ីន, ជាតិកាល់ស្យូម, ជាតិស្ករ fructose, ខ្លាញ់ល្អ, វីតាមីន A, វីតាមីន B និងសារធាតុចាំបាច់ផ្សេងៗទៀត។ ដូច្នេះហើយទើបស្លឹកទៀបបារាំងមានលក្ខណៈសម្បត្តិជាឱសថដ៏ល្អឥតខ្ចោះមួយប្រភេទ។ អត្ថបទខាងក្រោមនឹងបង្ហាញឲ្យដឹងពីរបៀបប្រើប្រាស់ស្លឹកទៀបបារាំងដោះស្រាយបញ្ហាជំងឺរួមទាំងអត្ថប្រយោជន៍សំខាន់ៗរបស់វាចំពោះសុខភាព ៖
១. ប្រយុទ្ធប្រឆាំងនឹងជំងឺមហារីក
យោងតាមការចុះផ្សាយមួយរបស់ទស្សនាវដ្ដីវេជ្ជសាស្ត្រគីមី (The Journal of Medicinal Chemistry) បានអះអាងថា ប្រសិទ្ធភាពនៃស្លឹកទៀបបារាំងក្នុងការប្រឆាំងទៅនឹងកោសិកាមហារីក គឺមានលក្ខណៈល្អប្រសើរជាងការព្យាបាលដោយប្រើគីមីដល់ទៅរាប់ពាន់ដងឯណោះ។ វាត្រូវបានគេនិយាយថា ស្លឹកទៀបបារាំង គឺប្រសិទ្ធិភាពខ្ពស់ប្រយុទ្ធប្រឆាំងនឹងជំងឺមហារីកសុដន់, សួត និងក្រពេញប្រូស្តាត។ ដើម្បីធ្វើតែស្លឹកទៀបបារាំងយកមកទទួលទាន អ្នកគ្រាន់តែចិញ្ច្រាំស្លឹកទៀបបារាំងចំនួន ១០ ស្លឹក ហើយដាំវាជាមួយនឹងទឹកធម្មតា ៣ ពែង។ បិទភ្លើងចង្រ្កាន លើកទឹកតែស្លឹកទៀបបារាំងចេញពីភ្លើង នៅពេលទឹកតែនេះរីងសល់បរិមាណប្រហែលជា ១ ពែង។ ស្រងយកកាកចេញ និងទុកឲ្យចុះត្រជាក់បន្តិចសិន សឹមទទួលទានរៀងរាល់ព្រឹកសម្រាប់រយៈពេលពី ៣ ទៅ ៤ សប្តាហ៍ ហើយអ្នកនឹងសម្គាល់ឃើញលទ្ធផលជាក់ជាមិនខាន។
២. ព្យាបាលជំងឺរលាកសន្លាក់ហ្គោដ
ស្ថានភាពនៃជំងឺរលាកសន្លាក់ហ្គោដនឹងប្រែជាធូរស្រាលបានយ៉ាងងាយ ដោយគ្រាន់តែអ្នកទទួលទានទឹកតែស្លឹកទៀបបារាំង។ រូបមន្តធម្មជាតិនេះជួយក្នុងការបញ្ចេញចោល ឬលាងអាស៊ីតអ៊ុយរិកចេញពីក្នុងឈាម។ ដើម្បីដោះស្រាយបញ្ហានៃជំងឺនេះ ចូរបេះស្លឹកចាស់ៗប៉ុន្តែនៅមានពណ៌បៃតងរបស់ទៀបបារាំងពី ៦ ទៅ ១០ ស្លឹក មកលាងឲ្យស្អាត ហើយដាំឲ្យពុះជាមួយនឹងទឹកធម្មតា ២ ពែង ហើយរម្ងាស់ឲ្យសល់បរិមាណត្រឹម ១ ពែង សឹមលើកចេញពីចង្ក្រាន។ ស្រងកាកចេញ ហើយទុកឲ្យចុះត្រជាក់បន្តិចសិន សឹមទទួលទាន ២ ដងក្នុងមួយថ្ងៃ (ព្រឹក និងល្ងាច)។
៣. ព្យាបាលជំងឺទឹកនោមផ្អែម
ទឹកតែចេញពីស្លឹកទៀបបារាំង គឺមានអត្ថប្រយោជន៍ល្អប្រសើរមែនទែនសម្រាប់អ្នកជំងឺទឹកនោមផ្អែម។ នេះក៏ព្រោះតែភេសជ្ជៈនេះ គឺជួយបង្កើនភាពប្រែប្រួលនៃអាំងស៊ុយលីនដែលអនុញ្ញាតឲ្យកោសិកាប្រើប្រាស់ជាតិគ្លុយកូស និងកាត់បន្ថយកម្រិតនៃជាតិស្ករក្នុងឈាម។
៤. បង្កើនប្រព័ន្ធភាពស៊ាំនៃរាងកាយ
សារធាតុចិញ្ចឹមដែលមានផ្ទុកនៅក្នុងស្លឹកទៀបបារាំងត្រូវបានគេជឿថានឹងជួយបង្កើនប្រព័ន្ធភាពស៊ាំឲ្យកាន់តែប្រសើរឡើងបង្ការការឆ្លងមេរោគចូលក្នុងរាងកាយ។ យកស្លឹកទៀបបារាំងពី ៤ ទៅ ៥ ស្លឹក ទៅដាំរហូតដល់ពុះជាមួយទឹកធម្មតា ៤ ពែង ទុករហូតដល់រីងសល់ទឹកត្រឹម ១ ពែង រួចស្រងកាកចេញ ហើយទុកឲ្យចុះត្រជាក់បន្តិចសិន សឹមទទួលទានភេសជ្ជៈនេះឲ្យបានទៀងទាត់ម្ដងក្នុងមួយថ្ងៃ ដើម្បីបង្កើនប្រព័ន្ធភាពស៊ាំ ជៀសឆ្ងាយពីការឆ្លងជំងឺផ្សេងៗ៕