ធម្មតា​បើ​យើង​និយាយ​អំពី​ក្លិន​ខ្លួន វា​មិន​ត្រឹមតែ​កើត​ចេញពី​ឃ្លៀ​គ​នោះ​តេ តែ​វា​អាច​កើត​ពី​គ្រប់​ទីកន្លែង​ទាំងអស់​នៃ​រាង​កាយ ជា​ពិសេស​ស្បែក​ដែល​មាន​ជាតិ​ប្រេង​ច្រើន និង​ក្រពេញ​បញ្ចេញ​ញើស​តែ​ម្តង ដោយ​រួម​ភេទ ស្បែក​ក្បាល តំបន់​ប្រដាប់​ភេទ ប្រអប់​ជោះ​ង និង​ក្បាល​សុដន់​ជាដើម​។ ទោះបីជា​យ៉ាងណា​ក៏​ដោយ ក្លិន​ខ្លួន​មិនល្អ​ត្រូវ​បាន​គេ​ជឿ​ថា​កើតឡើង​នៅ​ពេល​ដែល​បាក់តេរី​ធ្វើការ​បំបែក​ខ្លួន​ក្នុង​ញើស​ដែល​ទុំ​នៅ​លើ​ស្បែក​។

ទោះបីជា​យ៉ាងណា​ក៏​ដោយ ក្រៅពី​លាង​សម្អាតខ្លួន ងូត​ទឹកជា​ប្រចាំ និង​ផ្លាស់​ប្តូរ​សម្លៀក​បំពាក់​ជា​ញឹកញាប់​ដើម្បី​បំបាត់​ក្លិន​ខ្លួន​នោះ យក​ល្អ​គួរតែ​សាកល្បង​វិធី​ដូច​ខាងក្រោម​នេះ​ផង បើសិនជា​ក្លិន​ខ្លួន​នៅ​តែ​បន្ត​កើត​មាន​យ៉ាង​អាណា​ធិ​ប​តេ​យ្យ​ទៀត​។

ផ្លាស់​ប្តូរ​របប​អាហារ
អ្នកដឹង​ហើយ​ថា អាហារ និង​គ្រឿងផ្សំ​ធ្វើ​ម្ហូប​ដែល​មាន​ក្លិន​ខ្លាំង​ដូច​ជា ខ្ទឹមបារាំង ខ្ទឹមស និង​គ្រឿង​ធ្វើ​ការី​អាច​បង្ក​បញ្ហា​រញ៉េរញ៉ៃ​ដល់​ក្លិន​មាត់​អ្នក​បាន ប៉ុន្តែ​ក្លិន​នេះ​ក៏​អាច​ចេញពី​រន្ធ​ញើស​អ្នក​រយៈពេល​ច្រើន​ម៉ោង​ដែរ​ទោះបី​ក្រោយ​ពី​អ្នក​បាន​ញ៉ាំ​អាហារ​រួច​ក៏​ដោយ​។ ដូច្នេះ​ដើម្បី​កុំ​ឲ្យ​មាន​ក្លិន​ខ្លួន យក​ល្អ​គួរតែ​ព្យាយាម​ចៀសវាង​អាហារ​ខាងលើ​នេះ​ឲ្យ​បាន​ច្រើន​។

បន្ថយ​ស្ត្រេ​ស
នៅ​ពេល​យើង​ហាត់ប្រាណ ឬ​រង​នូវ​អាកាសធាតុ​ក្តៅ​ខ្លាំង ក្រពេញ​ញើស​នឹង​ផលិត​ញើស​កាន់តែ​ច្រើន​ដើម្បី​សម្រួល​ដល់​សីតុណ្ហភាព​រាង​កាយ​។ ប៉ុន្តែ​កាលណា​មាន​បញ្ហា​ធ្វើ​ឲ្យ​អារម្មណ៍​ស្ត្រេ​ស វា​ទំនងជា​ធ្វ្យ​ក្រពេញ​ញើស​ពិសេស​មួយ​ចំនួន​ដែល​ស្ថិត​នៅ​ឃ្លៀ​ក និង​តំបន់​គ្រ​លាន​ធ្វើការ​ខ្លាំង​ទៅ​វិញ ដែល​ជា​ហេតុ​នាំ​ឲ្យ​បញ្ចេញ​ទឹករំអិល​ពី​ក្រពេញ​នោះ​ដែល​មាន​លក្ខណៈ​ដូច​ទឹកដោះគោ​ទៅ​វិញ​។ សារធាតុ​នេះ​ហើយ​ដែល​ជា​ហេតុ​នាំ​ឲ្យ​មាន​ក្លិន​ខ្លួន​ខ្លាំង​។ ការ​តាំងសមាធិ ហាត់​ក្បាច់​យូ​ហ្គា និង​សកម្មភាព​ផ្សេង​ៗ​ទៀត​ដើម្បី​បន្ធូរ​អារម្មណ៍​ប្រហែលជា​អាច​ជួយ​ដោះស្រាយ​រឿង​នេះ​បាន​។

កោ​រោម​ឃ្លៀ​គ
ទោះបីជា​មនុស្ស​ប្រុស​ប្រហែលជា​ចង់បាន​រោម​ឃ្លៀ​គ​ច្រើន​ក៏​ដោយ​តែ វា​គឺជា​កន្លែង​ដែល​បាក់តេរី​អាច​រស់នៅ​បាន​យា់ង​ល្អ​ដោយសារ វា​មាន​ភាព​កក់ក្តៅ មាន​សំណើម និង​ស្រួល​រស់នៅ ជា​ពិសេស​បាក់តេរី​បង្ក​ក្លិន​ខ្លួន​តែ​ម្តង​។

លាប​ទឹកខ្មេះ​ផ្លែ​ប៉ោម
សារធាតុ​អាស៊ីត​ដែល​មាន​ក្នុង​ទឹកខ្មេះ​ផ្លែ​ប៉ោម ឬ​ទឹកក្រូច​ឆ្មា អាច​ជួយ​ទប់ស្កាត់​ការ​លូតលាស់​របស់​បាក់តេរី​បាន ជា​ពិសេស​បាក់តេរី​ដែល​ធ្វើ​ឲ្យ​ញើស​ធំក្លិន​ខ្លួន​តែ​ម្តង​។ យ៉ាងណាមិញ ការ​លាប​ទឹកខ្មេះ​ផ្លែ​ប៉ោម​ឃ្លៀ​ក​អាច​ជួយ​កាត់​បន្ថយ​បាក់តេរី​បង្ក​ក្លិន​ខ្លួន​ក៏​ដោយ តែ​វា​ក៏​អាច​បង្ក​ជា​ការ​រលាក​ដល់​ស្បែក​បាន​ដែរ​។ ដូច្នេះ​ចូរ​ប្រើប្រាស់​សម្លី​ផ្តិត​ទឹកខ្មេះ​ផ្លែ​ប៉ោម​រួច​យក​វា​លាប​នៅ​កន្លែង​នា​ដែល​គិត​ថា​ជា​ប្រភព​នៃ​ក្លិន​ខ្លួន ឬ​ដាក់​វា​លាយ​ទឹក​សម្រាប់​ងូត​ក៏​បាន​ដែរ​៕