ស្នាមជ្រីវជ្រួញជាផ្នែកមួយនៃដំណើរការភាពចាស់តាមវ័យរបស់ស្បែក។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណាភាគច្រើននៃពួកយើងតែងស្វែងរកនូវវិធីដើម្បីបន្ថយការលេចចេញនូវរូបរាងនៃស្នាមជ្រីវជ្រួញ។ តើអ្នកធ្លាប់ដឹងទេថារូបមន្តបែបធម្មជាតិមួយចំនួនអាចជួយបន្ថយការលេចឡើងនូវស្នាមជ្រីវជ្រួញលើស្បែក? ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីរូបមន្តបែបធម្មជាតិងាយៗដោះស្រាយបញ្ហាស្នាមជ្រីវជ្រួញ ៖

១. ប្រទាលកន្ទុយក្រពើ

អ្វីដែលអ្នកត្រូវធ្វើ គឺគ្រាន់តែលាបម៉ាស្សាជែលប្រទាលកន្ទុយក្រពើស្រស់លើស្បែកនិងរងចាំសម្រាប់រយៈពេលពី ១៥ ទៅ ២០ នាទី។ លាងសម្អាតចេញជាមួយទឹកក្ដៅឧណ្ហៗ។ អនុវត្តសារឡើងវិញរាល់ថ្ងៃរហូតទទួលបានលទ្ធផលគាប់ចិត្ត។

២. ទឹកឃ្មុំ

អ្នកត្រូវឆ្ពុងមុខសម្រាប់រយៈពេល ២ នាទីសិន ដើម្បីបើករន្ធញើសនៃស្បែក។ បន្ទាប់មកសឹមចាប់ផ្ដើមលាបម៉ាស្សាទឹកឃ្មុំលើស្បែក។ រងចាំបាច់សម្រាបរយៈពេល ១០ នាទី សឹមជូតចេញជាមួយបន្ទះសំឡីដែលជ្រលក់ទឹកក្ដៅឧណ្ហៗ។ អនុវត្តជាប្រចាំសម្រាប់រយៈពេលមួយសប្តាហ៍ពេញុ។

៣. ទឹកក្រូចឆ្មារស្រស់

គ្រាប់តែលាបម៉ាស្សាទឹកក្រូចឆ្មារស្រស់លើស្បែកពិសេសកន្លែងដែលមានស្នាមជ្រីវជ្រួញលេចឡើងជាការស្រេច។ ទោះជាយ៉ាងណាកុំប្រើប្រាស់ទឹកក្រូចឆ្មារស្រស់ក្នុងបរិមាណច្រើនពេក។

៤. ចេកទុំ

កិនចេកទុំ ២ ផ្លែឱ្យម៉ដ្ឋ សឹមលាយទឹកឃ្មុំចូលបន្តិច។ កូរឱ្យសព្វ សឹមលាបលើស្បែកនិងទុកចោលសម្រាប់រយៈពេល ៣០ នាទី។ សឹមលាងសម្អាតចេញជាមួយទឹកក្ដៅឧណ្ហៗ។

៥. ប្រេងអូលីវ

ជាប្រភពនៃ alpha-linolenic acid ដែលជួយស្បែកក្នុងការរក្សាបាននូវជាតិសំណើមទប់ស្កាត់ភាពចាស់មុនវ័យ។ ដើម្បីជាការប្រសើរក្រៅពីបន្ថែមប្រេងអូលីវក្នុងរបបអាហារប្រចាំថ្ងៃហើយនោះ ចូរប្រើវាប៉ុន្មានដំណក់ម៉ាស្សាជុំវិញភ្នែកនៅពេលយប់មុនអ្នកចូលគេងដោយវិធីនេះជួយរក្សាសំណើមនៃស្បែក និងកាត់បន្ថយស្នាមជ្រួញត្រង់កន្ទុយភ្នែក៕