ដឹងទេថាផ្លែឈើអ្វីខ្លះអាចជួយឱ្យស្រកទម្ងន់និងបង្រួមទំហំចង្កេះរបស់អ្នកបាន? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីផ្លែឈើទាំងនោះ ៖

១. ផ្លែប៉ោម

ផ្លែប៉ោមមានផ្ទុកសម្បូរដោយជាតិសសៃនិងជាតិទឹកដែលជួយឱ្យអ្នកឆាប់ឆ្អែត ហើយឆ្អែតបានយូរល្អសម្រាប់អ្នកចង់ស្រកទម្ងន់។

២. ផ្លែបឺរី

មានផ្ទុកសម្បូរទៅដោយជាតិសសៃដែលល្អសម្រាប់សុខភាពប្រព័ន្ធរំលាយអាហារនិងការសម្រកទម្ងន់ដោយជួយឱ្យឆាប់ឆ្អែត ហើយឆ្អែតបានយូរ។

៣. ផ្លែឈើរី

មានផ្ទុកសារធាតុ anthocyanins ដែលជួយកាត់បន្ថយការរលាកនិងកម្ចាត់ជាតិខ្លាញ់ក្នុងរាងកាយ។

៤. ផ្លែទំពាំងបាយជូរ

ជាប្រភពដ៏ប្រសើរនៃសារធាតុ resveratrol ដែលជួយបញ្ឈប់ការលូតលាស់នៃកោសិកាខ្លាញ់និងទប់ស្កាត់ការបំផ្លាញបំផ្លាញអ័រម៉ូនកាត់បន្ថយហានិភ័យនៃជំងឺផ្សេងៗផងដែរ។ ទំពាំងបាយជូរក៏មានផ្ទុកជាតិសសៃខ្ពស់ផងដែរ។

៥. ក្រូចថ្លុង

ក្រូចថ្លុងមានផ្ទុកនូវអង់ស៊ីមដុតបំផ្លាញជាតិខ្លាញ់ក្នុងបរិមាណខ្ពស់។ អង់ស៊ីមទាំងនោះមិនត្រឹមតែជួយបង្កើនសកម្មភាពនៃការរំលាយអាហារប៉ុណ្ណោះទេ ប៉ុន្តែវាក៏អាចជួយបង្កើនថាមពលរបស់អ្នកបានផងដែរ។

៦. ឪឡឹក

ឪឡឹកមានផ្ទុកជាតិកាឡូរីទាប ប៉ុន្តែជាតិទឹកខ្ពស់ដែលជួយអោយអ្នកឆាប់ឆ្អែត ឬឆ្អែតបានយូរ។ ឪឡឹកក៏ជាប្រភពដ៏ប្រសើរនៃសារធាតុ arginine មានប្រសិទ្ធិភាពកាត់បន្ថយជាតិខ្លាញ់រាងកាយ ខណៈពេលជួយបង្កើនម៉ាសនៃសាច់ដុំគ្មានខ្លាញ់ផងដែរ។

៧. ផ្លែដូង

ដូងមានផ្ទុក medium chain triglycerides ដែលជួយបង្កើនកម្រិតនៃការដុតរំលាយអាហារក្នុងរាងកាយ។ ម្យ៉ាងវិញទៀត ទឹកដូងមានផ្ទុកបរិមាណ​ជាតិ​ខ្លាញ់​ទាប​បំផុត ដូច្នេះ​ទើបវាជាជម្រើសនៃភេសជ្ជៈដ៏ប្រសើរសម្រាប់អ្នកចង់ស្រកទម្ងន់។ វា​ក៏ជួយកាត់​បន្ថយ​ចំណង់​អាហារនិង​ធ្វើ​ឱ្យ​អ្នកមាន​អារម្មណ៍​ឆ្អែត​បាន​យូរផងដែរ។

៨. ផ្លែបឺរ

ផ្លែឈើនេះមានផ្ទុកសម្បូរទៅដោយជាតិខ្លាញ់សុខភាពល្អ monounsaturated ប្រូតេអ៊ីន ជាតិសសៃ និងសារធាតុចិញ្ចឹមដែលផ្ដល់អត្ថប្រយោជន៍ចាំបាច់ជាច្រើនពិសេសកំឡុងពេលអ្នកព្យាយាមសម្រកទម្ងន់។ ផ្លែបឺរក៏ជាប្រភពនៃអាស៊ីតខ្លាញ់ oleic ដែលជួយធ្វើអោយអ្នកឆាប់ឆ្អែត និងបានយូរផងដែរ។

៩. ផ្លែទទឹម

ជាប្រភពដ៏ល្អបំផុតមួយនៃសារធាតុប្រឆាំងអុកស៊ីតកម្ម ពិសេសសារធាតុ polyphenols ដែលបង្កើនការដុតរំលាយអាហាររបស់រាងកាយជួយឱ្យគ្រប់គ្រងទម្ងន់បានយ៉ាងប្រសើរ។

១០. ផ្លែល្ហុង

ក្រៅពីលក្ខណៈសម្បត្តិប្រឆាំងការរលាកក្នុងរាងកាយ ផ្លែល្ហុងក៏មានផ្ទុកកាឡូរីទាប ប៉ុន្តែជាតិសសៃខ្ពស់ដែលជាជម្រើសដ៏ប្រសើរសម្រាប់អ្នកចង់ស្រកទម្ងន់ផងដែរ។ មួយពែងនៃល្ហុងទុំចិតរួចជាដុំៗមានផ្ទុកត្រឹមតែ ៦២ កាឡូរីប៉ុណ្ណោះ៕