ការ​លួច​ឥ​វ៉ា​ន់​នេះ​មិនមែន​ជា​រឿង​ធ្ងន់ធ្ងរ​នោះ​ទេ វា​អាច​ចាប់ផ្តើម​ជាមួយនឹង​បញ្ហា​ធម្មតា​ៗ​ដូច​ជា ការ​យក​របស់​លេង​របស់​នរណា​ម្នាក់​មក​ផ្ទះ​។ និយាយ​ទៅ ក្មេង​ៗ​មិន​ទាន់​យល់​ដឹង​ថា​អ្វី​ទៅ​ជា​ការ​លួច​នោះ​ទេ ហើយ​ក៏​មិនដឹង​ហេតុ​អ្វី​វា​ជា​រឿង​ខុស​ដែរ​។ សម្រាប់​ពួក​គេ វា​គ្រាន់តែ​ជា​រឿង​ធម្មតា​ៗ​ដែល​ពួក​គេ​ចង់បាន​មក​លេង​ប៉ុណ្ណោះ​។ ដូច្នេះ បើសិនជា​កូន​អ្នក​ចាប់ផ្តើម​ចេះ​លួច​របស់របរ ឬអ្វី​មួយ​ដោយ​មិនដឹង​ថា​វា​ជារ​ទ​ង្វើ​រ​ខុស​នោះ អ្នក​ប្រហែលជា​ចង់​ដោះស្រាយ​រឿង​នេះ​ឲ្យ​បាន​លឿន ហើយ​ក៏​បញ្ឈប់​កូន​កុំ​ឲ្យ​និយាយ​កុហក​អំពី​រឿង​នេះ​ដែរ​។ ខាងក្រោម​នេះ​គឺជា​វិធី​មួយ​ចំនួន​ដែល​អ្នក​អាច​បង្រៀន​កូន​ឲ្យ​យល់​ដឹង អំពី​ការ​លួច​របស់របរ​ថា វា​មិនមែន​ជា​រឿង​ត្រឹមត្រូវ​ទេ​៖

ចូរ​បង្រៀន​ពួក​គេ​ឲ្យ​ចេះ​គ្រប់គ្រង​អារម្មណ៍
ជា​ឪពុក​ម្តាយ ច្រើន​តែ​ទិញ​របស់របរ​ក្មេង​លេង​ជា​ច្រើន​ឲ្យ​កូន​លេង ហើយ​វា​ស្ទើរតែ​ជា​របស់​ដែល​ល្អ​បំផុត​ណាស់ ប៉ុន្តែ​របស់​ទាំងនេះ​ទំនងជា​មិនមែន​ជា​ការ​ទាមទារ​របស់​កូន​ឡើយ​។ ដូច្នេះ​បើសិនជា​អ្នក​ចង់​ឲ្យ​កូន​រៀន​ចេះ​ពី​វិធី​គ្រប់គ្រង​ខ្លួនឯង ចូរ​ឲ្យ​ពួក​គេ​បង្កើត​ជម្រើស​ខ្លួនឯង​ទៅ​។

ធ្វើ​ជា​គំរូ​ល្អ​សម្រាប់​ពួក​គេ
បើសិនជា​អ្នក​បាន​បង្កើត​ជា​គំរូ​នៃ​អាកប្បកិរិយា​ល្អ​ៗ និង​ភាព​ស្មោះត្រង់​ឲ្យ​កូន​មើលឃើញ​ហើយ​នោះ វា​ក៏​កាន់តែ​ងាយស្រួល​ក្នុង​ការ​បង្រៀន​ពួក​គេ​ឲ្យ​រៀនសូត្រ​តាម​ដែរ​។ ចូរ​ជំនួស​នូវ​ការ​បង្អាប់​នៅ​ពេល​គេ​ធ្វើ​ខុស និង​សរសើរ​ពេល​ធ្វើ​ត្រូវ ប៉ុន្តែ​ត្រូវ​ប្រាប់​ពួក​គេ​ហេតុ​អ្វី​បានជា​ពួក​គេ​ត្រូវ​តែ​ធ្វើ​រឿង​ដែល​ផ្តល់​ភាព​វិជ្ជមាន​គ្រប់ពេល​។ នៅ​ពេល​កូន​លួច​របស់របរ​ក្មេង​ដទៃ​មក​លេង ចូរ​ប្រាប់​ពួក​គេ​ថា របស់​នេះ​អាច​ចែក​គ្នា​លេង​ជាមួយ​បាន ប៉ុន្តែ​មិនមែន​យក​មក​លេង​នៅផ្ទះ​តែឯង​ឡើយ​។

ផ្តល់​ឲ្យ​គេ​នូវ​ចំនុច​ដែល​ជឿជាក់
បើសិនជា​កូន​ធ្លាប់​មាន​ទម្លាប់​លួច​ហើយ ចូរ​ប្រាប់​គេង​ថា “​គេ​លេង​សូវ​ទុកចិត្ត​កូន​ឯង​ទៀត​ហើយ គ្រប់ពេល​កូន​ធ្វើ​បែប​នេះ​”​។ ពេល​ខ្លះ អ្នក​អាច​ប្រាប់​កូន​ធម្មតា​ៗ ឬ​ត្រង់​ៗ​តែ​ម្តង​ក៏​បាន​ដែរ​ថា ការ​លួច​របស់​គេ​អ​ញ្ចឹ​ង​គឺជា​រឿង​មិនល្អ​ឡើយ​៕