មនុស្ស​គ្រប់​គ្នា​មិន​ចូល​ចិត្ត “​ភាពអាក្រក់​” នោះ​ទេ ប៉ុន្តែ អ្នកខ្លះ បែរជា​ធ្វើ​វា​ដោយ​មិនដឹង​ខ្លួន​ទៅ​វិញ​។ អ្នកខ្លះ មិន​ចូល​ចិត្ត​អ្នក​និយាយ​កុហក ប៉ុន្តែ ខ្លួនឯង​បែរជា​និយាយ​មិន​ពិត អ្នកខ្លះ ចង់បាន​ទំនិញ​ថោក ប៉ុន្តែ ពេល​ខ្លួនឯង​លក់ ចង់បាន​តម្លៃ​ថ្លៃ​ទៅ​វិញ​។

ការ​ចិញ្ចឹម​កូន ក៏​ដូច​គ្នា បើ​អ្នក​ចង់​ឲ្យ​គេ​ល្អ អ្នក​ត្រូវ​តែ​ធ្វើ​ជា​គម្រូ​ដល់​កូន​។ ជា​ការ​ពិត ក្មេង​មួយ​ចំនួន​ចូល​ចិត្ត​វាយ​គ្នា ជេរ​គ្នា ឬ​ប្រើស​ម្តី​គ្មាន​សីលធម៌​។ ប្រសិនបើ​អ្នក​កូន​របស់​អ្នក មាន​អត្ត​ច​រឹត​បែប​នេះ កុំ​ទាន់​អាល​គិត​ច្រើន ប៉ុន្តែ អ្នក​គួរ​សួរ​ខ្លួនឯង​ថា តើ​អ្នកមាន​បង្ហាញ ឬ​ធ្វើ​ទ​ង្វើ​បែប​នេះ មក​កាន់​កូន​របស់​អ្នក​ដែរ​ឬទេ0x017d7

ជា​ការ​ពិត កូន​ក្មេង​រៀន​ពី​អ្វី​ដែល​គេ​ឃើញ ពី​អ្វី​ដែល​គេ​ជួប​ប្រទះ ដូច្នេះ បើ​អ្នក​ចង់​ឲ្យ​កូន​ល្អ សូម​ធ្វើ​ជា​គម្រូ​ដ៏​ល្អ​សម្រាប់​គេ​។ អ្នក​មិន​ត្រូវ​ស្រែក​គំហក វាយ​ធ្វើបាប ឬ​ប្រព្រឹត្ត​អំពី​ខុសឆ្គង​ណាមួយ នៅ​ចំពោះ​មុខ​កូន​របស់​អ្នក​ឡើយ​៕