ពេលទិញផ្លែឈើនាំចូលពីក្រៅប្រទេស ទន្ទឹមនឹងគុណភាព, កម្រិតស្រស់, យើងក៏គួរពិនិត្យ ដល់កត្តាមួយទៀត ដែលក៏សំខាន់សម្រាប់ការពារសុខភាព នោះគឺផ្លាកតូចមួយមានលេខ កូដបួន, ឬប្រាំលេខ បិទជាប់ផ្លែឈើ ។
តួលេខទាំងនោះ ត្រូវបានហៅថា (PLU (Price Look Up) ជាលេខកូដដែលជួយឲ្យអ្នក យល់បានថាផ្លែឈើនោះត្រូវបានដាំយ៉ាងដូចម្ដេច ។
– កូដ PLU មានបួនលេខ ហើយចាប់ផ្ដើមដោយ លេខ ៣ ឬ៤ ។
បួនលេខនៃកូដ PLU បង្ហាញថាផលិតផលត្រូវបានដាំតាមធម្មជាតិ ឬតាមប្រពៃណី និងមានប្រើថ្នាំសម្លាប់សត្វល្អិត ។ ដូច្នេះ ពេលទិញ, អ្នកគួរត្រាំ, លាងឲ្យម៉ត់ចត់ច្រើនដង និងចិតសម្បកចេញមុនពេលបរិភោគ ។ ឧទាហរណ៍: ផ្លែប៉ោម ហ្វីជី ត្រូវបានដាំដោយ ធម្មជាតិ, មានប្រើសារជាតិគីមីក្នុងដំណើរការផលិត ត្រូវបានបិទកូដ PLU 4129 ។
– កូដ PLU រួមមានប្រាំលេខ, ចាប់ផ្ដើមដោយលេខ៨
កូដរួមមានប្រាំលេខ និងចាប់ផ្ដើមដោយលេខ ៨ បង្ហាញឲ្យដឹងថា ជាផលិតផលប្រែប្រួល ហ្សែន (Genetically Modified Organism) ។ ផ្លែចេកធម្មតាមួយនឹងមានកូដ 4011 តែប្រសិនជាផលិតផលប្រែប្រួលហ្សែន វានឹងមានលេខ 84011 ។
ប៉ុន្តែបច្ចុប្បន្ន លើគេហទំព័រផ្លូវការរបស់ PLU កូដចាប់ផ្ដើមដោយលេខ ៨ ពុំនៅត្រូវបានប្រើប្រាស់សម្រាប់ផលិតផលប្រែប្រួលហ្សែនទៀត តែនៅពុំទាន់កំណត់បានវា នឹងប្រើសម្រាប់ផលិតផលណានៅឡើយ ។
សព្វថ្ងៃលើពិភពលោកនៅមានការឈ្លោះប្រកែកជាច្រើនជុំវិញគ្រោះថ្នាក់របស់ផលិតផល ប្រែប្រួលហ្សែន ទៅដល់សុខភាពអ្នកប្រើប្រាស់ ។ មានការស្រាវជ្រាវចាត់ទុកថា វាពុំបង្ក គ្រោះថ្នាក់អ្វីដល់សុខភាពឡើយ ។
– កូដ PLU រួមមានប្រាំលេខចាប់ផ្ដើមដោយលេខ ៩
ប្រសិន PLU រួមមានប្រាំលេខ និងចាប់ផ្ដើមដោយលេខ ៩ នេះជាផលិតផលដាំដុះតាម ធម្មជាតិ ពុំប្រែប្រួលហ្សែន ក៏ពុំមានសារជាតិគីមី ៕
ប្រភព៖ rasmeinews.com