ភាគច្រើននៃពួកយើងប្រហែលជាមិនធ្លាប់ដឹងទេថាម្សៅឈើអែមអាចផ្ដល់អត្ថប្រយោជន៍ចំពោះសុខភាពសក់។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) របៀបប្រើប្រាស់យ៉ាងម៉េចខ្លះទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗដោះស្រាយបញ្ហាសក់ផ្សេងៗ ៖
១. រូបមន្តសម្រាប់ជួយឱ្យសក់កាន់តែក្រាស់
អ្វីដែលអ្នកត្រូវធ្វើ គឺគ្រាន់តែលាយស៊ុត ១ គ្រាប់ជាមួយប្រេងអូលីវសុទ្ធ ១ ស្លាបព្រាបាយ ទឹកឃ្មុំឆៅ ១ ស្លាបព្រាកាហ្វេ និងម្សៅឈើអែម ១ ស្លាបព្រាកាហ្វេ។ កូរលាយឱ្យសព្វ សឹមលាបម៉ាស្សាល្បាយលើស្បែកក្បាល។ ទុកចោលសម្រាប់រយៈពេលពី ២០ ទៅ ៣០ នាទីសឹមលាងសម្អាតចេញជាមួយទឹកធម្មតានិងកក់សាប៊ូកម្រិតស្រាលដូចពេលធម្មតា។ អនុវត្តឱ្យបាន ២ ដងក្នុងមួយសប្តាហ៍។
២. ធ្វើឱ្យពណ៌ធម្មជាតិនៃសក់ស្រាលជាងមុន
អ្វីដែលអ្នកត្រូវធ្វើ គឺគ្រាន់តែលាយម្សៅឈើអែមក្នុងបរិមាណស្មើគ្នាជាមួយក្រែមបន្ទន់សក់។ លាយល្បាយឱ្យសព្វ សឹមលាបលើសក់ក្រោយពេលកក់សម្អាតរួច ហើយលាងសម្អាតចេញ។
៣. បំបាត់ស្បែក្បាលដែលរមាស់និងឡើងអង្គែ
អ្វីដែលអ្នកត្រូវធ្វើ គឺគ្រាន់តែលាយម្សៅឈើអែមនិងទឹកធម្មតាចូលគ្នាឱ្យក្លាយជាល្បាយខាប់ៗ។ លាបម៉ាស្សាល្បាយផ្ទាល់លើស្បែកក្បាលនិងទុកចោលសម្រាប់រយៈពេល ៣០ នាទី។ លាងសម្អាតចេញជាមួយទឹកធម្មតា។ អនុវត្តរាល់ថ្ងៃ។ ដើម្បីកម្ចាត់អង្គែដែលបណ្ដាលមកពីការឆ្លងរោគឆ្លងមិនឱ្យកើតឡើងវិញ ចូរអនុវត្តម្ដងក្នុងមួយសប្តាហ៍។ រោយម្សៅឈើអែមលើសាប៊ូកក់សក់ និងម៉ាស្សាលើសក់ ព្រមទាំងស្បែកក្បាល។ លាងសម្អាតចេញក្រោយរយៈពេលពី ២ ទៅ ៣ នាទី៕