នុងនាមជាស្ត្រីកំពុងតែមានផ្ទៃពោះ ត្រូវតែមានការប្រុងប្រយ័ត្នច្រើនណាស់។ អ្នកគួរតែញ៉ាំអាហារដែលផ្តល់ជីវជាតិ និងគួរតែចៀសវាងអ្វីគ្រប់យ៉ាងដែលមានគ្រោះថ្នាក់ដល់កូនក្នុងផ្ទៃ។ អ្នកគួរតែញ៉ាំឲ្យបានច្រើននៅពេលមានផ្ទៃពោះ ប៉ុន្តែការញ៉ាំច្រើនពេកអាចបណ្តាល
ទោះបីជាយ៉ាងណាក៏ដោយ អ្នកទំនងជាមិនមានអារម្មណ៍ឆ្អែតសោះ ទោះបីជាទើបជាញ៉ាំហើយថ្មីៗក៏ដោយ។ តែការឃ្លានបែបនេះគឺជារឿងមួយធម្មតាទាំងស្រុងក្នុងពេលមានផ្ទៃពោះ ជាពិសេសក្នុងត្រីមាសទីពីរ និងទីបី។ ខាងក្រោមនេះគឺជាហេតុផលមួយចំនួនដែលបញ្ជាក់ថា ស្ត្រីមានផ្ទៃពោះក្នុងដំណាក់កាលទាំងនេះតែងតែមានអារម្មណ៍ឃ្លានជាប់រហូត៖
ទារកត្រូវការជីវជាតិដើម្បីលូតលាស់
តម្រូវការកាឡូរីប្រចាំថ្ងៃអ្នកនឹងកើនឡើងដោយខ្លួនឯងនៅពេលមានផ្ទៃពោះ ព្រោះត្រូវការទៅចិញ្ចឹមមនុស្សពីរនាក់ក្នុងពេលតែមួយ។ ក្នុងត្រីមាសដំបូង អ្នកទំនងជាមិនមានអារម្មណ៍ឃ្លានច្រើនឡើយព្រោះតែទារកនៅតូច ហើយក៏ចាញ់កូនច្រើនដែរ។ តែពេលឈានដល់ត្រីមាសទីពីរហើយ វាគឺជារឿងមួយខុសគ្នាទាំងស្រុងទៅវិញ ព្រោះថា អ្នកលែងចាញ់កូន ហើយតម្រូវការលូតលាស់របស់ទារកក៏ខ្លាំងណាស់ដែរ។ ដូច្នេះរបត់ឈាមរត់នឹងកើនឡើង ហើយការរំលាយអាហារដើម្បីប្រើប្រាស់ក៏លឿនជាងមុនទៀត ទើបធ្វើឲ្យអ្នកឧស្សាហ៍ឃ្លានបែបនេះ។
ឃ្លានដោយសារតែអ័រម៉ូន
អ័រម៉ូនដើរតួនាទីដ៏សំខាន់មួយក្នុងការគ្រប់គ្រងភាពឃ្លានអាហារ។ ក្នុងពេលមានផ្ទៃពោះ រាងកាយនឹងផលិតអ័រម៉ូនប្រូជេស្តេរ៉ូនកាន់តែខ្ពស់ ដែលវានឹងធ្វើឲ្យការឃ្លានរបស់អ្នកកាន់តែខ្លាំង។
មិនអាចគ្រប់គ្រងភាពចង់ញ៉ាំអាហារបាន
ក្នុងពេលមានផ្ទៃពោះ អ្នកនឹងឃ្លានអាហារប្លែកៗជាច្រើន ហើយពេលខ្លះជារបស់ចម្លែកក៏ថាបានដែរ។ រឿងនេះគ្មានការអះអាងអ្វីពីអ្នកវិទ្យាសាស្ត្រឡើយ តែមនុស្សមួយចំនួនជឿថា ការឃ្លានបែបនេះគឺចង់បំពេញភាពខ្វះខាត់នូវជីវជាតិដែលកំពុងតែខ្វះខាតក្នុងខ្លួន។ ហេតុដូច្នេះហើយទើបធ្វើឲ្យអ្នកពិបាកគ្រប់គ្រងភាពឃ្លានអាហារទាំងនេះ។
ញ៉ាំអាហារដែលគ្មានកាឡូរី
អ្នកប្រហែលជាចង់ញ៉ាំនូវអ្វីដែលគ្មានកាឡូរីដើម្បីបំពេញតម្រូវការឃ្លានខុសទំនងរបស់អ្នក។ ទោះបីជាអ្នកញ៉ាំអាហារមានជាតិស្ករ ឬខ្លាញ់ច្រើនយ៉ាងណាក៏ដោយ អ្នកនឹងមានអារម្មណ៍ថាឆ្អែតតែមួយភ្លេតប៉ុណ្ណោះ។ ដូច្នេះបើសិនជាចង់ឲ្យញ៉ាំទៅឆ្អែតបានយូរ ចូរជ្រើសរើសអាហារណាដែលសម្បូរជាតិសរសៃវិញទៅ ព្រោះវាមានប្រយោជន៍ទាំងម្តាយ និងកូន។
ញ៉ាំមិនបានគ្រប់គ្រាន់
ការដែលញ៉ាំអាហារមិនបានគ្រប់គ្រាន់ក៏អាចជាហេតុផលមួយនាំឲ្យឃ្លានជាងមុនដែរ។ ចាប់តាំងពីការឡើងទម្ងន់ក្នុងពេលមានផ្ទៃពោះមក អ្នកប្រហែលជាកំពុងតែកាត់បន្ថយការញ៉ាំអាហារប្រចាំថ្ងៃដែរ ដើម្បីកុំឲ្យឡើងទម្ងន់ខ្លាំងថែមទៀត៕