ដើម្បីថែរក្សាស្បែកមុខអ្នកចាំបាច់គួរដឹងច្បាស់ពីគន្លឹះងាយក្នុងការលាងសម្អាតស្បែកមុខជាប្រចាំ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណាខ្លះ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗក្នុងការលាងសម្អាតស្បែកមុខ ​៖

១. លាងសម្អាតដៃជាមុនសិន

អ្នកគួរលាងសម្អាតដៃឱ្យបានស្អាតជាមុនសិន សឹមសម្អាតស្បែកមុខតាមក្រោយ។ បើមិនដូច្នោះទេភាពកខ្វក់ ព្រមទាំងបាក់តេរីដែលមានជាតិដៃនិងឆ្លងដល់ស្បែកមុខរបស់អ្នកជាមិនខាន។ ហើយត្រូវប្រាកដផងដែរថាអ្នកបានលាងសាប៊ូជ្រះអស់ពីដៃមុនពេលប៉ះផ្ទៃមុខចៀសវាងបញ្ហាដែលបង្កឡើយដោយសារធាតុគីមីក្នុងសាប៊ូលាងដៃ។

២. ជូតជម្រះគ្រឿងសម្អាងចេញឱ្យអស់ជាមុនសិន

អ្នកអាចប្រើប្រាស់បន្ទះសំឡីជាមួយប្រេងអូលីវ ឬប្រេងដូងធម្មជាតិសម្រាប់ជូតសម្អាតគ្រឿងសម្អាងពីលើផ្ទៃមុខ ពិសេសលើតំបកភ្នែក។

៣. លាងសម្អាតមុខឱ្យបាន ២ ដងក្នុងមួយថ្ងៃជាប្រចាំ

កុំលាងសម្អាតមុខញឹកញាប់ពេក! លាងសម្អាតស្បែកមុខតែនៅពេលព្រឹកនិងមុនពេលចូលគេង គឺគ្រប់គ្រាន់ហើយ។

៤. ប្រើប្រាស់ស៊ាបូកម្រិតស្រាល ឬសាប៊ូសរីរាង្គ

អ្នកគួរជ្រើសរើសសាប៊ូលាងសម្អាតមុខដែលមានកម្រិតស្រាល ឬសរីរាង្គ នៅពេលលាងសម្អាតមុខទើបប្រសើរ។

៥. កក់សម្អាតសក់ជាមុនសិន

អ្នកចាំបាច់គួរកក់សម្អាតសក់ និងលាងជម្រះសាប៊ូ ក៏ដូចជាក្រែមបន្ទន់សក់ឱ្យជ្រះស្អាតជាមុនសិន សឹមលាងសម្អាតមុខតាមក្រោយ។ នេះក៏ព្រោះតែក្រែមបន្ទន់មួយចំនួនមានផ្ទុកសារធាតុដែលបណ្ដាលឱ្យស្ទះរន្ធញើសនាំឱ្យមានបញ្ហាស្បែកមុខ ឬឡើងមុន៕