ជំងឺ​ពោះវៀន​លូន​ចូល​ពងស្វាស​កើតឡើង​នៅ​ពេល​ដែល ជាលិការ​របស់​ពោះវៀនតូច​អាច​ជ្រាតចូល​ទៅ​ក្នុង​ថង់​ពងស្វាស​បាន​ដោយសារ​តែ​ជញ្ជាំង​ពោះ​មាន​ភាព​ខ្សោយ​។ ហេតុ​ដូច្នេះ​ហើយ​ទើប​ធ្វើ​ឲ្យ​មាន​ថ្នក់​ក្នុង​ពងស្វាស​ឈឺចាប់​ខ្លាំង ជា​ពិសេស​នៅ​ពេល​ក្អក អោន ឬ​លើក​របស់​ធ្ងន់​ៗ​។

ជំងឺ​នេះ​មិន​គ្រោះថ្នាក់​នោះ​ទេ ប៉ុន្តែ​វា​ក៏​មិន​បាត់​វិញ​ដោយ​ខ្លួនឯង​ដែរ ព្រមទាំង​អាច​មាន​ផលវិបាក​ចំពោះ​អាយុជីវិត​ថែម​ទៀត​។ នៅ​ពេល​គ្រូពេទ្យ​រក​ឃើញ​រឿង​នេះ គាត់​តែងតែ​ណែនាំ​ឲ្យ​ធ្វើការ​វះកាត់​ក្នុង​ករណី​ដែល​វា​មានការ​ឈឺចាប់​ខ្លាំង ឬ​រីក​ធំ​។

យ៉ាងណាមិញ ជំងឺ​ពោះវៀន​លូន​ចូល​ក្នុង​ថង់​ពងស្វាស​មួយ​ចំនួន​គឺ​មិន​មាន​មូលហេតុ​នោះ​ទេ ប៉ុន្តែ​ក៏​អាច​បណ្តាល​មក​ពី​រឿង​មួយ​ចំនួន​ដែរ​ដូច​ជា​៖

១-សម្ពាធ​ក្នុង​ពោះ​កាន់តែ​ខ្លាំង​ទៅ​ៗ
២-ជញ្ជាំង​ពោះ​ខាង​មុខ​ខ្សោយ
៣-ទាំង​ពីរ​ចំណុច​ខាងលើ​រួម​ចូល​គ្នា
៤-ប្រឹង​បន្ទោបង់ ឬ​នោម​ពេក
៥-ធ្វើ​សកម្មភាព​អ្វីមួយ​ខ្លាំងក្លា​ពេក
៦-ក្អក ឬ​កណ្តាស​រ៉ាំរ៉ៃ​៕