ដោយសារតែសម្រស់ដើមទ្រូងធំស្រស់ស្អាត មិនចាញ់នារីអឺរ៉ុប តារាសម្ដែង អៀ ម៉េងលិ ហៅអូនម៉ី ត្រូវបានមហាជនទាំងក្នុង និងក្រៅសិល្បៈដាក់ការសង្ស័យថា នាង លួចទៅកែកុនទើបស្រស់ស្អាតបែបនេះ។
ដើម្បីជម្រះមន្ទិលនៃការលើកឡើងខាងលើ អូនម៉ី បានបកស្រាយថា សម្រស់ដើមទ្រូងរបស់នាង គឺស្រស់ស្អាតតាមបែបធម្មជាតិពិតៗមិនបានទៅលួចវះកាត់ ឬ កែកុនកន្លែងណាដូចការសង្ស័យនាពេលកន្លងមកនោះទេ។ ដូច្នេះសូមកុំយល់ច្រឡំតទៅទៀត។
បន្ថែមពីនេះតួឯកស្រីក្នុងរឿង “០០៩” សូមអះអាងថា គ្រប់កន្លែងនៅលើដងខ្លួននាង គ្មានត្រង់ណាទៅទទួលសេវាកម្មវះកាត់នោះទេ។ ប្រសិនបើខ្លួនធ្វើការកែកុនសម្រស់កន្លែងណាមួយមែននោះគ្មានអ្វីត្រូវលាក់បាំងភ្នែកមហាជន និងព្រមទទួលស្គាល់ការពិតចំពោះអ្វីដែលខ្លួនបានធ្វើ។
“អត់ទេបង ១តួខ្លួនប្អូនធម្មជាតិទាំងអស់ កុំថាឡើយតែសម្រស់ដើមទ្រូង សូម្បីតែកន្លែងផ្សេងក៏មិនបានទៅធ្វើការវះកាត់ដែរ ហើយក៌មានបងប្អូនមួយចំនួនពួកគាត់ក៏បានដឹងច្បាស់អំពីខ្ញុំ។ ដូច្នេះកុំយល់ច្រឡំថា ខ្ញុំទៅកែកុនសម្រស់តទៅទៀតអីព្រោះមិនមែនជារឿងពិត។ បើខ្ញុំកែមែនខ្ញុំហ៊ានទទួលតែនេះគឺអត់ហ្មង”។ នេះបើតាមការបញ្ជាក់ពី អៀ ម៉េងលិ ហៅ អូនម៉ី”៕
ប្រភព៖ sabay.com.kh