ជួយចែករំលែក! អាហារសម្រន់អ្វីខ្លះផ្ទុកកាឡូរីទាបល្អសម្រាប់សម្រកទម្ងន់និងរក្សាសុខភាព?

ការកាត់បន្ថយការទទួលទានកាឡូរីអាចជារឿងពិបាកបំផុតមួយសម្រាប់អ្នកចង់ស្រកទម្ងន់ភាគច្រើន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) នេះក៏ព្រោះតែអាហារមានផ្ទុកកាឡូរីទាបមួយចំនួនអាចបណ្ដាលឱ្យឆាប់ឃ្លានវិញ។ គួរធ្វើបែបណាទៅ? កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញពីអាហារមួយចំនួនដែលមិនត្រឹមតែមានផ្ទុកកាឡូរីទាបប៉ុណ្ណោះទេ ប៉ុន្តែថែមទាំងអាចជួយឱ្យឆ្អែតបានយូរទៀតផង ៖

១. ត្រសក់

មានផ្ទុកជាតិទឹកខ្ពស់ដែលជួយឱ្យឆាប់ឆ្អែត ហើយឆ្អែតបានយូរ។ អ្វីដែលសំខាន់ទៀតនោះ គឺត្រសក់ថែមទាំងមានផ្ទុកកាឡូរីទាប ប៉ុន្តែជាតិសសៃខ្ពស់ដែលជួយគ្រប់គ្រងទម្ងន់និងកម្ចាត់ខ្លាញ់ដែលលើស។ ត្រសក់ជាជម្រើសនៃបន្លែដ៏ល្អបំផុតមួយសម្រាប់កម្ចាត់ខ្លាញ់ក្បាលពោះ។

២. ឪឡឹក

អាហារសម្រន់មានផ្ទុកកាឡូរីទាបមួយប្រភេទទៀតដែលល្អសម្រាប់អ្នកកំពុងសម្រកទម្ងន់នោះ គឺផ្លែឪឡឹក។ ផ្លែឈើនេះក៏ជាប្រភពដ៏ប្រសើរនៃជាតិទឹក ជាតិសសៃ និងវីតាមីន C ដែលល្អសម្រាប់សុខភាព ព្រមទាំងការគ្រប់គ្រងទម្ងន់។

៣. ស៊ុត

ស៊ុតស្ងោរមួយគ្រាប់ធំមានផ្ទុកកាឡូរីប្រមាណត្រឹម ៧៨ កាឡូរីប៉ុណ្ណោះ ប៉ុន្តែជាប្រភពដ៏ល្អបំផុតមួយនៃវីតាមីន B12 វីតាមីន A សារធាតុសេលេញ៉ូម ផូស្វ័រ ខ្លាញ់សុខភាពល្អ និងប្រូតេអ៊ីន។ អ្នកអាចទទួលទានអាហារសម្រន់នេះជាមួយអាហារសុខភាពល្អដទៃទៀតដូចជាបន្លែបៃតង ផ្លែឈើ គ្រាប់ធញ្ញជាតិ និងឈីស។

៤. គ្រាប់ល្ពៅលីង

គ្រាប់ល្ពៅមានផ្ទុកកាឡូរីទាប ប៉ុន្តែសម្បូរទៅដោយសារធាតុចិញ្ចឹម រួមបញ្ចូលទាំងប្រូតេអ៊ីន ម៉ាញ៉េស្យូម ស័ង្កសី ប៉ូតាស្យូម ទង់ដែង និងម៉ង់កាណែសដែលសុទ្ធតែចាំបាច់សម្រាប់ពង្រឹងសុខភាពឆ្អឹងនិងការស្រកទម្ងន់។

៥. ផ្លែល្ហុង

ក្រៅពីលក្ខណៈសម្បត្តិប្រឆាំងការរលាកក្នុងរាងកាយ ផ្លែល្ហុងក៏មានផ្ទុកកាឡូរីទាបដែលជាជម្រើសដ៏ប្រសើរសម្រាប់អ្នកចង់ស្រកទម្ងន់ផងដែរ។ មួយពែងនៃល្ហុងទុំចិតរួចជាដុំៗមានផ្ទុកត្រឹមតែ ៦២ កាឡូរីប៉ុណ្ណោះ៕