ជំងឺកាមរោគ ឬជំងឺឆ្លងតាមការរួមភេទ គឺជាជំងឺទាំងឡាយណា ដែលចម្លងពីមនុស្សម្នាក់ ទៅមនុស្សម្នាក់ទៀត តាមរយៈឈាម ទឹកកាម ឬទឹករំអិលចេញពីក្នុងទ្វារមាស និងទឹកសរីរៈ ។
ពេលខ្លះ ការបង្ករោគទាំងនេះ អាចឆ្លងបានដោយមិនមានការរួមភេទដែរ ដូចជា ចម្លងពីម្តាយទៅកូនក្នុងពេល ឬពេលសម្រាល ការបញ្ចូលឈាម ឬប្រើម្ជុរចាក់ថ្នាំរួមគ្នា។
មនុស្សដែលហាក់បីដូចជា មានសុខភាពល្អបរិបូរណ៍ណាស់ ក៏អាចនឹងឆ្លងជំងឺកាមរោគបានដែរ ទោះបីជាពួកគេ មិនដឹងថាខ្លួនឯង ឆ្លងហើយក៏ដោយ។ ជំងឺកាមរោគ មិនមែនតែងតែបង្ក ជារោគសញ្ញាទាំងអស់នោះទេ។ ហេតុដូច្នេះហើយ វាប្រហែលជាមិនអាចសម្គាល់ទឹក រហូតដល់ចេញជាផលវិបាកផង ទើបរកឃើញថាមានជំង។ ចំពោះរោគសញ្ញា ដែលអាចបញ្ជាក់ថា អ្នកមានជំងឺកាមរោគនោះមានដូចជា ៖
១-ដំបៅនៅប្រដាប់ភេទ ក្នុងមាត់ ឬរន្ធគូថ
២-ឈឺចាប់ខ្លាំង ពេលនោម ឬនោមមានលក្ខណៈក្រហាយ
៣-ហូរទឹករំអិលពីក្នុងលិង្គ
៤-ទឹករំអិលចេញពីក្នុងទ្វារមាសមានក្លិនស្អុយ
៥-ហូរឈាមពីក្នុងទ្វារមាសខុសធម្មតា
៦-ឈឺចាប់ក្នុងពេលរួមភេទ
៧-មានដំបៅ ហើមកូនកណ្តុរ ជាពិសេស ក្នុងក្រលៀន ប៉ុន្តែ ពេលខ្លះ អាចឡើងកូនកណ្តុរគ្រប់កន្លែងទៀតផង
ឈឺពោះផ្នែកខាងក្រោម
៨-ក្តៅខ្លួន
៩-ឡើងកន្ទួលរមាស់នៅពេញទ្រូង ប្រអប់ដៃ ឬប្រអប់ជើង។
១០-រោគសញ្ញាអាចនឹងកើតឡើង រយៈពេលពីរបីថ្ងៃ ក្រោយពីឆ្លងជំងឺនេះរួច ឬអាចនឹងរយៈពេលច្រើនឆ្នាំក្រោយឆ្លង ព្រោះតែមិនមានអាការៈអ្វីអាចសម្គាល់ដឹងដែរ៕