ទោះបីជាភាគច្រើននៃពួកយើងសុទ្ធតែស្គាល់និងឧស្សាហ៍ទទួលទានតែបៃតង ប៉ុន្តែប្រហែលជាមិនធ្លាប់ដឹងទេថាភេសជ្ជៈនេះអាចផ្ដល់អត្ថប្រយោជន៍ចំពោះសុខភាពសម្រស់បានដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើតែបៃតងល្អអ្វីខ្លះចំពោះសម្រស់? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីផលល្អៗនៃតែបៃតងចំពោះសម្រស់ ៖

១. បន្សាបជាតិពុលនិងធ្វើឱ្យស្បែកកាន់តែស្រស់ថ្លា

តែបៃតងជួយកម្ចាត់រាល់ជាតិពុលចេញពីក្នុងរាងកាយនិងស្បែក។ ជាលទ្ធផលពន្លឿនដំណើរការនៃភាពជាសះស្បើយនៃស្នាមជាំ ហើយជួយឱ្យស្បែកកាន់តែមានភាពរលោងស្រស់ថ្លាឡើង។ សារធាតុ Catechins ក្នុងតែបៃតងជួយប្រយុទ្ធប្រឆាំងរោគមុនដែលបង្កឡើងដោយបាក់តេរីលើស្បែកនិងជួយរក្សាតុល្យាភាពអ័រម៉ូន។ តែបៃតងក៏មានលក្ខណៈសម្បត្តិប្រឆាំងការរលាកដែលជួយកាត់បន្ថយការរលាក ភាពឡើងក្រហម និងស្នាមសំលាកផងដែរ។

២. កម្ចាត់មុន

អ្វីដែលអ្នកត្រូវការ ៖ ទឹកឃ្មុំសុទ្ធ ១ ស្លាបព្រាបាយ, តែបៃតង ១ កញ្ចប់តូច, ទឹកក្ដៅ និងហ្វូមលាងសម្អាតមុខ។

អ្វីដែលអ្នកត្រូវធ្វើ គឺឆុងតែក្នុងទឹកក្ដៅសម្រាប់រយៈពេលយ៉ាងហោចណាស់ ៣ នាទី។ យកកញ្ចប់តែចេញនិងទុកឱ្យចុះត្រជាក់។ កាត់កញ្ចប់តែ ដើម្បីស្រងយកស្លឹកតែចេញ។ លាយស្លឹកតែជាមួយទឹកឃ្មុំ។ លាងសម្អាតមុខជាមួយហ្វូម រួចជូតផ្ដិតថ្នមៗដល់ស្ងួត។ លាបស្លឹកតែបៃតងទឹកឃ្មុំលើមុខ រួចទុកចោលសម្រាប់រយៈពេល ២០ នាទីសឹមលាងសម្អាតចេញជាមួយទឹកត្រជាក់។ អនុវត្តឱ្យបានយ៉ាងហោចណាស់ពី ៣ ទៅ ៤ ដងក្នុងមួយសប្តាហ៍។

៣. ខាត់ស្បែកនិងសម្អាតរន្ធញើស

អ្វីដែលអ្នកត្រូវធ្វើ គឺគ្រាន់តែលាយស្លឹកតែបៃតងម៉ដ្ឋ ១ ស្លាបព្រាបាយជាមួយទឹកឃ្មុំឱ្យក្លាយជាល្បាយខាប់ៗ។ បន្ទាប់មកលាបម៉ាស្សាល្បាយលើពេញស្បែកមុខ និងទុកចោលសម្រាប់រយៈពេលប្រហែលពី ១០ ទៅ ១៥ នាទី។ លាងសម្អាតចេញជាមួយទឹកក្ដៅឧណ្ហៗ។

៤. ផ្ដល់សំណើមដល់រាងកាយ

ទោះបីតែបៃតងមានផ្ទុកសារធាតុកាហ្វេអ៊ីន ប៉ុន្តែក្នុងបិរមាណតិចដែលអាចជួយរក្សាជាតិទឹកក្នុងរាងកាយនិងផ្ដល់សំណើមដល់ស្បែកបានយ៉ាងប្រសើរ។ អ្វីដែលគួរឱ្យកត់សម្គាល់ថែមទៀតនោះ គឺអ្នកអាចទទួលទាន ១ ពែងនៅមុនពេលគេងនិងពេលក្រោកដើម្បីសម្រួលការរំលាយអាហារ ព្រមទាំងការដុតរំលាយអាហារក្នុងរាងកាយ។

៥. ឈឺធ្មេញ

លក្ខណៈសម្បត្តិប្រឆាំងបាក់តេរីនៃតែបៃតងជួយសម្រាលអាការៈឈឺធ្មេញ។ អ្នកអាចឆុងតែបៃតងមួយពែងឱ្យចាស់ រួចយកមកខ្ពុរមាត់។

៦. កាត់បន្ថយស្ត្រេស

សារធាតុ theanine ក្នុងតែបៃតងមានលក្ខណៈសម្បត្តិជួយសម្រួលសសៃប្រសាទនិងបន្ថយកម្រិតនៃភាពស្ត្រេស។ ការទទួលទានតែបៃតងមួយពែងក្នុងមួយថ្ងៃអាចជួយបន្ថយកម្រិតនៃភាពតានតឹងបានយ៉ាងប្រសើរ ខណៈដែលស្ត្រេសអាចបង្កើនរ៉ាឌីកាល់សេរីនិងកោសិកាអវិជ្ជមានក្នុងរាងកាយដែលនាំឱ្យងាយនឹងឆ្លងជំងឺផ្សេងៗ ព្រមទាំងឆាប់ចាស់។ ទោះជាយ៉ាងណាអ្នកមិនត្រូវទទួលទានតែបៃតងច្រើនពេកឡើយ។

៧. ជួយឱ្យស្រកទម្ងន់

សារធាតុ polyphenol ក្នុងតែបៃតងមានប្រសិទ្ធភាពបង្កើនការដុតរំលាយអាហារក្នុងរាងកាយដែលចាំបាច់ណាស់សម្រាប់អ្នកចង់ស្រកទម្ងន់។ ម្យ៉ាងវិញទៀតតែបៃតងជាប្រភពដ៏ប្រសើរនៃវីតាមីនសំខាន់ៗ ព្រមទាំងម៉ង់កាណែស ជាតិរ៉ែចាំបាច់ រួមបញ្ចូលទាំង chromium ជាតិស័ង្កសី និងសេលេញ៉ូម រួមជាមួយសារធាតុប្រឆាំងអុកស៊ីតកម្មដែលជួយដុតបំផ្លាញជាតិខ្លាញ់ និងកាឡូរីបានឆាប់៕