នៅពេលដែលអ្នកម្តាយសម្រាលកូនរួច ទម្ងន់របស់អ្នកម្តាយអាចនឹងស្រកមកត្រឹមប៉ុន្មានគីឡូទើបជាការល្អ?

តាមពិតទៅ ទម្ងន់ដែលអាចស្រកចុះមកគឺអាស្រ័យទៅលើរាងកាយរបស់អ្នកម្តាយនីមួយៗ ដោយមានអ្នកម្តាយខ្លះ ក្រោយសម្រាលរួច អាចនិយាយបានថា ទម្ងន់ឆាប់វិលមករកសភាពដើម។ ប៉ុន្តែក៏មានអ្នកម្តាយមួយចំនួន ក្រោយសម្រាលរួច ទម្ងន់មិនសូវស្រកមកវិញដែរ។ ជាធម្មតា ក្រោយអ្នកម្តាយកើតកូនរួច ទម្ងន់អាចធ្លាក់ចុះចន្លោះពី៥គីឡូក្រាមដល់៧.៥គីឡូក្រាម ជាលក្ខណៈធម្មតា។ កត្តាដែលធ្វើឲ្យទម្ងន់អ្នកម្តាយឡើងខ្លាំងក្នុងពេលមានផ្ទៃពោះ គឺទម្ងន់របស់កូនក្នុងផ្ទៃ ទឹកភ្លោះ រួមជាមួយទងសុក ដែលធ្វើឲ្យទម្ងន់អ្នកម្តាយកើនឡើង។ ប៉ុន្តែក្រោយកូនចេញមក ទម្ងន់នឹងស្រកវិញជាធម្មតា ដោយសារតែកត្តាទាំង៣ខាងលើមិនមែនជាបញ្ហាទៀតឡើយ៕