ប្រសិនជាអ្នកមិនចង់ឆាប់ចាស់ដូចអាយុ អ្នកអាចជ្រើសរើសអាហារទាំង៤តាមវេបសាយhealth.com.kh ញ៉ាំបាន។ ក្រោយពេលដែលពិសាររួច អ្នកនឹងអាចក្មេងជាងវ័យ។ តើមានអ្វីខ្លះទៅ?
- អ្នកអាចញ៉ាំផ្លែស្វាយបាន ព្រោះនៅក្នុងនោះមានវីតាមីអេដែលអាចជួយការពារស្បែកអ្នកឲ្យមានសុខភាពល្អ។ ជាហេតុដែលអាចធ្វើឲ្យស្បែកអ្នកមានសំណើម នោះវានឹងមិនងាយចាស់ឡើយ។
- ទឹកឃ្មុំគឺជារបស់ដែលអ្នកដឹងហើយថាវាមានអត្ថប្រយោជន៍យ៉ាងណាចំពោះស្បែកអ្នក។ ក្រោយពេលដែលអ្នកញ៉ាំរួច វានឹងធ្វើឲ្យស្បែកអ្នកតឹង មិនងាយមានស្នាមជ្រួញឡើយ។
- នៅក្នុងត្រសក់មានវីតាមីនអ៊ី ដែលអាចជួយប្រឆាំងនឹងភាពចាស់នៃស្បែក។ ដូចនេះអ្នកអាចញ៉ាំត្រសក់ឲ្យបានច្រើន ឬយកមកបិតមុខក៏បានដែរ នោះវានឹងជួយថែរក្សាស្បែកអ្នកឲ្យនៅក្មេងជាមិនខានឡើយ។
- អ្នកក៏អាចញ៉ាំតែបៃតងដែរ ព្រោះនៅក្នុងនោះមានសារធាតុដែលអាចជួយពន្យារភាពចាស់នៃស្បែក ដោយធ្វើឲ្យស្បែកមានលក្ខណៈក្មេង និងរស់រវើក។ ម្យ៉ាងទៀតនៅពេលដែលអ្នកញ៉ាំច្រើន វានឹងជួយជម្រះជាតិពុលចេញពីរាងកាយអ្នកទៀតផង៕