ជំងឺ​ត្រៀម​ក្រឡាភ្លើង​គឺជា​ជំងឺ​គ្រោះថ្នាក់​មួយ​ក្នុង​ពេល​ស្ត្រី​មាន​ផ្ទៃពោះ ដែល​វា​ច្រើន​តែ​កើតឡើង​ក្រោយ​ពី​ពរ​ពោះ​បាន ២០​ស​ប្តា​ហ៍​។ អ្វី​ដែល​កម្រ​បំផុត​នោះ​គឺ​វា​កើតឡើង​មុន​ពរ​ពោះ ២០​ស​ប្តា​ហ៍​។ លក្ខណៈ​សំខាន់​ដ៏​សំខាន់​បំផុត​នោះ​គឺ​លើស​សម្ពាធ​ឈាម​ក្នុង​ពេល​មាន​ផ្ទៃពោះ និង​មាន​វត្តមាន​ប្រូតេអ៊ីន​ក្នុង​ទឹកនោម​។ បើសិនជា​រក​មិនឃើញ​ជំងឺ​នេះ​ទេ វា​អាច​វិវត្តន៍​ទៅ​រក​អាកា​រៈ​កាន់តែ​ធ្ងន់ធ្ងរ​ជាង​នេះ​គឺ ក្រឡាភ្លើង​ចំ​តួរ​តែ​ម្តង ដែល​វា​នឹង​បង្ក​គ្រោះថ្នាក់​បាន​ទាំង​ម្តាយ និង​កូន​។

ស្ថិត​ក្នុង​ករណី​ជំងឺ​ត្រៀម​ក្រឡាភ្លើង​នេះ​ដែរ គឺ​មិន​មានការ​ព្យាបាល​អ្វី​ឲ្យ​សះស្បើយ​ឡើយ ហើយ​ស្ត្រី​មាន​ផ្ទៃពោះ​គួរតែ​ដឹង​អំពី​រោគ​សញ្ញា​របស់​វា​ដើម្បី​ចៀសវាង​ផលវិបាក​នានា​បាន​។

សញ្ញា​នៃ​ជំងឺ​ត្រៀម​ក្រឡាភ្លើង​មាន​ដូច​ជា​៖

  1. សម្ពាធ​ឈាម​ឡើង​ខ្ពស់
  2. មាន​វត្តមាន​ប្រូតេអ៊ីន​ក្នុង​ទឹកនោម​ខ្ពស់​គួរ​ឲ្យ​កត់សម្គាល់
  3. ឈឺក្បាល​ខ្លាំង ហើយ​គំហើញ​ក៏​មានការ​ប្រែប្រួល​ទៀត
  4. ហើមជើង និង​ប្រអប់ជើង
  5. ឡើង​ទម្ងន់​ភ្លាម​ៗ​ដោយសារ​តែ​ចាល​ជាតិ​ទឹក​ក្នុង​ខ្លួន​ច្រើន
  6. ចង្អោ និង​ក្អួត
  7. ឈឺ​ក្នុង​ពោះ និង​ស្មា
  8. ចេះ​តែ​នោម​ញឹក
  9. ទឹកនោម​មាន​តិច
  10. ពិបាក​ដកដង្ហើម និង​ថប់​អារម្មណ៍

បើសិនជា​អ្នក​សង្កេត​ឃើញ​ថា​មាន​រោគ​សញ្ញា​ខាងលើ​ចាប់ពី​ពីរ​ឡើង​ទៅ ចូរ​ទៅ​ជួប​ពេទ្យ​ជា​បន្ទាន់​។ ជំងឺ​ត្រៀម​ក្រឡាភ្លើង​ប៉ះពាល់​ដល់​ស្ត្រី​មាន​ផ្ទៃពោះ​ប្រហែល ៨ ទៅ​១០​ភាគរយ ហើយ​ក៏​ជា​អាកា​រៈ​ដែល​គ្រោះថ្នាក់​ដែរ​។ អ្វី​ដែល​កម្រ​បំផុត​នោះ​គឺថា ជំងឺ​នេះ​មិន​បង្ក​ជា​រោគ​សញ្ញា​អ្វី​ទាំងអស់ ដែល​វា​ធ្វើ​ឲ្យ​ការ​ប្រឈម​មុខ​កើនឡើង​ទ្វេ​ដង​។ ដូច្នេះ​ទើប​ការ​ពិនិត្យ​សុខភាព​ក្នុង​ពេល​មាន​ផ្ទៃពោះ​គឺជា​រឿង​សំខាន់​ដែល​ត្រូវធ្វើ​៕