មនុស្ស​ភាគច្រើន​គិតតែ​មួយ​គត់​គឺថា ជំងឺ​ទឹកនោមផ្អែម​គឺ​មាន​កម្រិត​ជាតិ​ស្ករ​ក្នុង​ឈាម​ឡើង​ខ្ពស់​។ ប៉ុន្តែ​វា​មិន​អ​ញ្ចឹ​ង​ទាំងអស់​ឡើយ​។ មាន​មនុស្ស​ច្រើន​ណាស់​ដែល​អាច​មាន​បញ្ហា​នេះ ហើយ​ក៏​មិន​បាន​សម្គាល់ថា​ដឹង​អំពី​ភាព​គ្រោះថ្នាក់​ដែល​កំពុង​តែ​កើត​មាន​លើ​សរសៃប្រសាទ សរសៃឈាម និង​សរីរាង្គ​ជា​ច្រើន​ទៀត​ក្នុង​ខ្លួន​ដែរ​។ ដូច្នេះ​ដើម្បី​បង្ការ​ផលវិបាក​កើតឡើង​ធ្ងន់ធ្ងរ យក​ល្អ​គួរតែ​សម្គាល់​អំពី​អាកា​រៈ​មួយ​ចំនួន​ដែល​បញ្ជាក់​ថា អ្នក​កំពុង​តែ​ញ៉ាំ​អាហារ​ផ្អែម​ច្រើន​ពេក​៖

១-ឃ្លាន​ជាប់​រហូត
២-អស់កម្លាំង​កាន់តែ​ខ្លាំង​ទោះបីជា​ញ៉ាំ​ហើយ​ក៏​ដោយ
៣-នោម​ញឹក
៤- ស្ងួត​មាត់ និង​ស្រេកទឹក​ខ្លាំង
៥-ស្រក​ទម្ងន់
៦-ឧស្សាហ៍​មានការ​បង្ក​រោគ​នៅ​ផ្លូវទឹក​ម៉ូ​ត្រ និង​ការ​បង្ក​រោគ​ផ្សិត
៧-ស្បែក​ស្ងួត
៨-ពិបាក​ផ្ចង់អារម្មណ៍
៩-ព្រឹល​ភ្នែក
១០-របួស​តិចតួច​ក្រ​ជា
១១-លិង្គ​មិន​ឡើង​រឹង
១២-ឆាប់​ឆេវឆាវ និង​បាក់ទឹកចិត្ត​៕