Age-related macular degeneration ឬជំងឺខ្សោយភ្នែកដោយសារវ័យជាកត្តាចម្បងមួយដែលបណ្ដាលឱ្យបាត់បង់ការមើលឃើញក្នុងចំណោមមនុស្សចាស់។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណាកុំបារម្ភ ក៏ព្រោះអ្នកអាចទប់ស្កាត់ហានិភ័យនៃជំងឺនេះបានយ៉ាងងាយ! គួរធ្វើបែបណាខ្លះទៅ? ខាងក្រោមវេបសាយសុខភាព  Health.com.kh នឹងបង្ហាញឱ្យដឹងពីគន្លឹះជួយការពារភ្នែកនិងទប់ស្កាត់ហានិភ័យនៃបញ្ហាភ្នែក ៖

១. បង្កើនការទទួលទានអាហារសម្បូរសារធាតុប្រឆាំងអុកស៊ីតកម្ម

សារធាតុប្រឆាំងអុកស៊ីតកម្មជាម៉ូលេគុលដែលមានប្រសិទ្ធភាពកម្ចាត់រ៉ាឌីកាល់សេរី។ ជាលទ្ធផលកោសិកាសុខភាពល្អត្រូវទទួលបានការការពារ។ វីតាមីន C និងវីតាមីន E ជាសារធាតុប្រឆាំងអុកស៊ីតកម្មចាំបាច់ក្នុងចំណោមសារធាតុប្រឆាំងអុកស៊ីតកម្មទាំងអស់ដែលជួយការពារភ្នែក។ ប្រភពដ៏ប្រសើរបំផុតនៃវីតាមីន C រួមមានម្ទេសផ្លោកពណ៌លឿង ត្របែក បន្លែស្លឹកបៃតង គីវី ក្រូចឆ្មារ និងផ្លែក្រូចជាដើម។ ហើយប្រភពដ៏ល្អបំផុតនៃវីតាមីន E គឺបន្លែបៃតង គ្រាប់ធញ្ញជាតិ ផ្លែបឺរ និងត្រី។

២. ទទួលទានអាហារដែលមានផ្ទុកសារធាតុ Lutein និង Zeaxanthin

ទាំង Lutein និង Zeaxanthin សុទ្ធតែជាប្រភេទនៃសារធាតុប្រឆាំងអុកស៊ីតកម្មដែលជួយពង្រឹងសុខភាពភ្នែក ក៏ដូចជាការមើលឃើញបានច្បាស់។ ប្រភពដ៏ប្រសើរបំផុតនៃសារធាតុប្រឆាំងអុកស៊ីតកម្មទាំងពីរនេះរួមមានបន្លែបៃតង ពន្លកផ្កាស្ពៃ ពោត និងស៊ុតជាដើម។

៣. ទទួលទានអាហារដែលមានផ្ទុកសម្បូរទៅដោយអាស៊ីតខ្លាញ់អូមេហ្កា ៣

ការរួមបញ្ចូលអាហារសម្បូរអាស៊ីតខ្លាញ់អូមេហ្កា ៣ ក្នុងរបបអាហារប្រចាំថ្ងៃអាចជួយកាត់បន្ថយហានិភ័យនៃជំងឺខ្សោយភ្នែកដោយសារវ័យបានគួរឱ្យកត់សម្គាល់។ នេះក៏ព្រោះតែអាស៊ីតខ្លាញ់សុខភាពល្អនេះជួយការពាររាល់កោសិកា រួមបញ្ចូលទាំងកោសិកាក្នុងភ្នែកនិងប្រព័ន្ធសសៃប្រសាទ។ ប្រភពដ៏ប្រសើរបំផុតនៃអាស៊ីតខ្លាញ់អូមេហ្កា ៣ រួមមានគ្រាប់ធញ្ញជាតិ គ្រាប់ពូជ និងត្រីសម្បូរខ្លាញ់៕