ខាងក្រោមនេះ យើងខ្ញុំនឹងបង្ហាញអ្នកពីពេលដែលអ្នកម្តាយអាចប៉ះទឹកត្រជាក់បានក្រោយពេលដែលសម្រាលកូនរួច។ តើជាពេលណាទៅ?
ក្រោយពេលដែលអ្នកម្តាយសម្រាលកូនរួច ក្រោយ៤២ថ្ងៃទើបអាចប៉ះទឹកត្រជាក់បាន ព្រោះបើអ្នកឆាប់ប៉ះត្រូវទឹកត្រជាក់ នឹងអាចធ្វើឲ្យសុខភាពអ្នកពិបាកក្នុងការវិលត្រឡប់មកភាពដើមណាស់។ ហេតុអ្វីបានជាបែបនេះ? ព្រោះស្បូនរបស់អ្នកក្រោយសម្រាលកូនរួច នឹងមានលក្ខណៈខ្សោយ។ បើអ្នកប៉ះត្រូវទឹកត្រជាក់ នឹងធ្វើឲ្យស្បូនកាន់តែទ្រុឌទ្រោម។ ជាហេតុដែលធ្វើឲ្យសុខភាពអ្នកម្តាយពិបាកនឹងរឹងមាំវិញណាស់។ ជាពិសេស បើអ្នកប៉ះត្រូវទឹកត្រជាក់ច្រើនមុន៤២ថ្ងៃ នឹងធ្វើឲ្យឆ្អឹងអ្នកម្តាយឈឺចុកចាប់ក្នុងពេលក្រោយ ដែលពិបាកនឹងជាសះស្បើយណាស់។ ដូចនេះ ប្រសិនជាអ្នកម្តាយត្រូវលាងចាន ឬធ្វើការងារផ្ទះ ត្រូវតែពាក់ស្រោមដៃ ទើបមិនប៉ះត្រូវទឹកត្រជាក់ច្រើន ដោយធ្វើឲ្យប៉ះពាល់ដល់សុខភាពអ្នកយ៉ាងងាយ៕