ជំងឺមហារីកក្រពេញអូវែជាឃាតករលាក់មុខដែលសម្លាប់ស្ត្រីជាច្រើននៅលើពិភពលោក។ រោគសញ្ញានេះជំងឺមហារីកក្រពេញអូវែ គឺងាយនឹងយល់ច្រឡំជាមួយបញ្ហាសុខភាពធម្មតាទូទៅមួយចំនួន! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណាភាពមិនប្រក្រតីដែលកើតឡើងដោយជំងឺមហារីកក្រពេញអូវែ គឺលេចឡើងក្នុងរយៈពេលយូរសឹងរាល់ថ្ងៃនិងមិនបាត់សោះ។ ថាតើរោគសញ្ញាដំបូងនៃជំងឺសាហាវនេះមានអ្វីខ្លះ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីរោគសញ្ញាដំបូងនៃជំងឺមហារិកក្រពេញអូវែ ៖
១. ឈឺចាប់ក្នុងពោះ
ការឈឺចាប់នៅត្រង់តំបន់អាងត្រកៀក ឬពោះដែលខុសប្លែកពីការឈឺចាប់ដោយសារបញ្ហាពិបាករំលាយអាហារនិងការមករដូវ គឺច្រើនតែជារោគសញ្ញាទូទៅបំផុតមួយនៃជំងឺមហារីកក្រពេញអូវែ។ ការឈឺចាប់នោះមានរយៈពេលយូរជាង ២ សប្តាហ៍ ហើយមិនពាក់ព័ន្ធនឹងការមករដូវ ឬរាគឡើយ។
២. ពិបាករំលាយអាហារ
បញ្ហាពិបាករំលាយអាហារ ឡើងហ្គាស ចង្អោរចង់ក្អួត ឬបញ្ហាក្រពះពោះវៀនដូចជាក្រហាយទ្រូង ដែលកើតជាប្រចាំមិនបាត់សោះក៏អាចជារោគសញ្ញាចម្បងនៃជំងឺមហារីកក្រពេញអូវែផងដែរ។
៣. បាត់បង់ចំណង់អាហារ
ជំងឺមហារីកក្រពេញអូវែអាចបណ្ដាលឱ្យអ្នកជំងឺបាត់បង់ចំណង់អាហារភ្លាមៗដោយជំងឺនេះជះឥទ្ធិពលលើការដុតរំលាយអាហារ ឬការបំបែកអាហារទៅជាថាមពល។
៤. ហើមពោះ
ការហើមពោះ ឬការឈឺចាប់ដោយសារឡើងហ្គាសក្នុងពោះ ឬឆ្អឹងអាងត្រកៀករយៈពេលយូរមិនបាត់សោះក៏ជារោគសញ្ញានៃជំងឺមហារីកក្រពេញអូវែផងដែរ។ អ្នកជំងឺអាចនឹងជួបប្រទះអាការៈហើមពោះខ្លាំងតឹងខោអាវភ្លាមៗដោយមិនបានផ្លាស់ប្ដូររបបអាហារ ឬសកម្មភាពណាមួយផងនោះ ចូរប្រញាប់ទៅជួបពិគ្រោះជាមួយគ្រូពេទ្យជំនាញ។
៥. ឈឺនោមញឹកញាប់
ការមានអារម្មណ៍ចេះតែចង់នោម ក៏ដូចជាការឈឺនោមញឹកខុសធម្មតាអាចជារោគសញ្ញាមួយនៃជំងឺមហារីកក្រពេញអូវែ (អ្នកជំងឺអាចបាត់បង់ការគ្រប់គ្រងលើផ្លោកនោមរបស់ខ្លួនបាន) ហើយអាការៈកាន់តែធ្ងន់ធ្ងរខ្លាំងឡើងត្រឹមរយៈពេលត្រឹមតែពី ២ ទៅ ៣ សប្តាហ៍។
៦. មានអារម្មណ៍ឆាប់ឆ្អែត
ដុំសាច់មហារីកអាចប៉ះសង្កត់ទៅលើផ្ទៃនៃក្រពះ ឬពោះវៀនដែលបណ្ដាលឱ្យអ្នកជំងឺមានអារម្មណ៍ឆាប់ឆ្អែតលឿននៅពេលពួកគេទទួលទានអ្វីមួយ។
៧. ទល់លាមកនិងរាគ
ភាពប្រែប្រួលនៃទម្លាប់ពោះវៀនដូចជាទល់លាមកនិងរាគជាញឹកញយក៏អាចជារោគសញ្ញានៃជំងឺមហារីក្រពេញអូវែ។ វាកើតឡើងនៅពេលដុំសាច់មហារីកហើម ហើយដាក់សម្ពាធលើក្រពះ ពោះវៀន និងផ្លោកនោម។
៨. ឈឺខ្នងផ្នែកខាងក្រោម
ការឈឺចាប់ជាប់ជានិច្ចនៅផ្នែកខាងក្រោមនៃខ្នងអាចជារោគសញ្ញាទូទៅបំផុតមួយនៃជំងឺមហារីកក្រពេញអូវែ។ ស្ត្រីដែលជាអ្នកជំងឺភាគច្រើនបញ្ជាក់ថាការឈឺចាប់របស់ពោះគេស្មើនឹងអារម្មណ៍ឈឺចាប់នៅពេលសម្រាលបុត្រ។
៩. ស្រកទម្ងន់ភ្លាមៗ
ការស្រកទម្ងន់ ៤ គីឡូ ឬច្រើនជាងនេះដោយអ្នកមិនបានសូម្បីតែផ្លាស់ប្ដូររបបអាហារ ឬឈប់ធ្វើលំហាត់ប្រាណ គឺជារោគសញ្ញាទូទៅមួយនៃជំងឺមហារីកក្រពេញអូវែដំណាក់កាលដំបូង។ អ្នកមិនគួរមិនអើពើនឹងទៅជួបពិគ្រោះជាមួយគ្រូពេទ្យជំនាញភ្លាមៗឡើយនៅពេលបញ្ហាស្រកគីឡូស្រាប់តែលេចឡើងភ្លាមៗដោយគ្មានមូលហេតុ។
១០. ការហូរឈាមខុសប្រក្រតីតាមទ្វារមាស
អ្នកជំងឺមហារីកក្រពេញអូវែ គឺអាចជួបប្រទះអាការៈហូរឈាមខុសប្រក្រតីតាមទ្វារមាសមិនទៀងទាត់ (ក្រៅពីវដ្ដរដូវ ឬមិនមែនជាការមករដូវ)។ ភាពមិនធម្មតាផ្សេងៗនៃទ្វារមាសអាចរួមបញ្ចូលទាំងការឡើងពងបែក ឬដំបៅឈឺចាប់នៅក្នុងតំបន់ទ្វារមាស ភាពប្រែប្រួលនៃពណ៌ស្បែក ឬការហូរទឹករំអិលខាប់ៗ៕