តារាប្រុសជួរមុខចិន Hu Ge បានទម្លាយរូបភាពបន្សល់ទុកពីគ្រោះថ្នាក់ចរាចរណ៍ស្ទើរអស់ជីវិតកាលពីអតីតកាល។
កន្លងផុតទៅអស់រយៈពេល ១២ឆ្នាំទៅហើយ តារាសម្ដែង Hu Ge ឬតុងយ៉ុង បានបង្ហាញរូបភាពក្រោយជួបហេតុការណ៍គ្រោះថ្នាក់ចរាចរណ៍ដ៏សាហាវមួយ។ ក្នុងឆ្នាំ ២០០៦ គ្រោះថ្នាក់ចរាចរណ៍មួយបានធ្វើឲ្យមុខរបស់ តារាប្រុសរូបនេះខ្ទេចមួយចំហៀង និងត្រូវដេររាប់រយថ្នេរ ស្ទើរមើលមិនយល់។
ដោយសាររបួសដំណំបែបនេះ Hu Ge ត្រូវចំណាយពេលព្យាបាលជាង ១ឆ្នាំ ទើបអាចត្រឡប់មកធម្មតា និងវិលចូលសិល្បៈវិញបាន។ បន្ថែមពីលើនោះលោកត្រូវធ្វើដំណើរទៅមក ៤ទៅ៥ដង ពីហុងកុង ប្រទេសកូរ៉េដើម្បីធ្វើការវះកាត់កែសម្ផស្ស។
ដោយសារនោះជាហេតុការណ៍រន្ធត់ ទើបតារាប្រុសរាងខ្ពស់ស្រឡះនេះ ព្យាយាមគេចមិនចង់រម្លឹក ព្រោះវាធ្វើឲ្យលោកឈឺចាប់ និងភ័យខ្លាចបំផុត។ ប៉ុន្តែយ៉ាងណា វារំលងផុតទៅអស់រយៈពេល ជាង ១២ឆ្នាំហើយ លោកក៏ហាក់រសាយខ្លះដែរ។ ក្រៅពីនេះ Hu Ge ខំរស់នៅដោយប្រើជីវិតរីករាយ និងផ្ដោតតែលើការងារ ដើម្បីអាចរកលុយបានឲ្យច្រើន នោះទើបជីវិតមានន័យ៕
ប្រភព៖ sabay.com.kh