ប្រជាជនចិនបានជឿជាក់លើថាមពលព្យាបាលរបួសរបស់យឹនសឹនអស់រយៈពេលជាង ២០០០ឆ្នាំមកហើយ។ សម្រាប់ហេតុផលល្អៗ ការសិក្សាជាច្រើនបានរកឃើញថា ឱសថបូរាណមួយនេះមានប្រយោជន៍ក្នុងការពង្រឹងដល់មុខងារខួរក្បាល បញ្ចុះជាតិស្ករក្នុងឈាម និងសម្រកទម្ងន់។ វាក៏ជួយបង្កើនមុខងារប្រព័ន្ធភាស៊ាំផងដែរ។
យឹនសឹនត្រូវបានគេស្គាល់ជាពិសេសថា ជាឱសថបូរាណចិន សម្រាប់ព្យាបាលបុរសដែលខ្វះចំណង់ផ្លូវភេទ។ វាត្រូវបានគេប្រើប្រាស់ដើម្បីព្យាបាលបញ្ហាផ្លូវភេទដែលបុរសជាច្រើនតែងតែជួបប្រទះដូចជា៖
បង្កើនចំនួនមេជីវិតឈ្មោល និងភាពមានចលនារបស់វា
សារធាតុចម្រាញចេញពីយឹនសឹនត្រូវបានផ្តល់ឲ្យបុរសដែលមិនអាចមានកូនបានទទួលទានរាល់ថ្ងៃ។ រយៈពេល ៣ខែក្រោយ ចំនួនមេជីវិតឈ្មោលរបស់គេបានកើនឡើងរហូតដល់ ៩៣ភាគរយ ហើយក៏ជំរុញដល់ចលនារបស់វាផងដែរ។
បង្កើនចំណង់ផ្លូវភេទ
យឹនសឹនត្រូវបានគេប្រើសម្រាប់បង្កើនចំណង់ផ្លូវភេទ តាមរយៈការបង្កើនចំនួនអ័រម៉ូនភេទតេស្តូស្តេរ៉ូន។ កាលណាអ័រម៉ូននេះមានកាន់តែតិច ចំណង់ផ្លូវភេទនឹងលែងសូវមាន។
ព្យាបាលបញ្ហាលិង្គមិនឡើងរឹង
ការសិក្សាមួយបានរកឃើញថា យឹនសឹនក្រហមរបស់កូរ៉េ បានជួយដល់បុរសដែលមានលិង្គមិនព្រមឡើងរឹងបានរហូតដល់ ៤២ភាគរយក្នុងរយៈពេលតែ ៨សប្តាហ៍ប៉ុណ្ណោះ។ វាក៏ជួយពង្រឹងដល់ភាពរឹង ការស៊ូកបញ្ចូលលិង្គ និងរក្សាភាពរឹងនោះកាន់តែយូរផងដែរ។
បង្ការការឆាប់ចេញទឹកកាម
បុរសជាច្រើនបាននិយាយថា ការប្រើក្រែមយឹនសឹនលាបផ្ទាល់លើក្រពេញប្រូស្តាតពួកគេ ឃើញថាអាចជួយបង្ការការឆាប់ចេញទឹកកាមបាន។ បើសិនជាប្រើផ្សំគ្នាជាមួយនឹងយឹនសឹនផឹកតែម្តងទៀតនោះ ក៏មានប្រយោជន៍លើការព្យាបាលការឆាប់ចេញទឹកកាមដែរ។ ក្រៅពីនេះយឹនសឹននឹងធ្វើឲ្យការបាញ់ទឹកកាមកាន់តែខ្លាំងក្លាថែមទៀត។
បន្ថយស្ត្រេស និងការអស់កម្លាំង
រាល់ការធ្វើសកម្មភាពលើគ្រែភាគច្រើនតែងតែជួបបញ្ហានឹងការអស់កម្លាំងខ្លាំង និងស្ត្រេសជាប់។ យឹនសឹនត្រូវបានគេរកឃើញថា មានប្រសិទ្ធភាពប្រឆាំងនឹងភាពស្ត្រេស។ វាជួយបំបាត់ការថប់អារម្មណ៍ ជួយឲ្យអារម្មណ៍ល្អ និងបន្ថយការអស់កម្លាំងថែមទៀត។
ចូរចាំថា យឹនសឹនអាចនឹងមានប្រតិកម្មជាមួយនឹងថ្នាំប្រឆាំងការបាក់ទឹកចិត្ត និថ្នាំរំលាយកំណកឈាមបាន។ ជាមួយគ្នានេះដែរ ការញ៉ាំយឹនសឹនមិនគួរណាញ៉ាំច្រើនជាង ៣ខែជាប់គ្នាឡើយ។ ចំពោះកម្រិតនៃការប្រើប្រាស់ យកល្អគួរតែមានការពិគ្រោះជាមួយអ្នកជំនាញខាងឱសថបូរាណផង៕