ធម្មតា ការ​ដែល​ទើប​ក្លាយជា​ម្តាយ​គេ វា​ពិតជា​គ្មាន​អ្វី​ដែល​ពិបាក​នៅ​ពេល​ដែល​ឃើញ​កូន​តូច​របស់​ខ្លួន​មាន​បញ្ហា​ឡើយ ទោះបីជា​បញ្ហា​នោះ​តិចតួច​ក៏​គ្រប់គ្រាន់​ធ្វើ​ឲ្យ​ពួក​គេ​ភ័យ​បាន​ដែរ​។ ជាក់ស្តែង​គ្រាន់តែ​កូន​ត្អើក​ជាប់ ក៏​ជា​អ្វី​ដែល​ធ្វើ​ឲ្យ​ម្តាយ​ជា​ច្រើន​ឈឺក្បាល​ដែរ​។ ការ​ត្អើក​គឺជា​រឿង​មួយ​ធម្មតា​សុទ្ធ​សាត ហើយ​ក៏​កើត​មាន​ជា​ញឹកញាប់​ចំពោះ​ទារក​គ្រប់​រូប​ដែរ​។ ទារក​អាច​នឹង​ត្អើក​ច្រើន​ជាង​មនុស្ស​ធំ​ទៅ​ទៀត​។ តាម​ពិត​ទៅ ពួក​គេ​ចេះ​ត្អើក​តាំងពី​នៅ​ក្នុង​ពោះ​ម្តាយ​ម្លេះ​។ ដូច្នេះ​បើសិនជា​កូន​អ្នក​ត្អើក​ក្រោយ​ពី​បៅ​រួច ឬ​មិន​មាន​មូលហេតុ​អ្វី​នោះ ចូរ​កុំ​ភ័យ​អ្វី​ឲ្យ​សោះ​។

ករណី​ភាគច្រើន ការ​ត្អើក​នឹង​បាត់​ទៅ​វិញ​ដោយ​ខ្លួនឯង ប៉ុន្តែ​បើសិនជា​បញ្ហា​នេះ​ចេះ​តែ​កើតឡើង​ញឹកញាប់ ហើយ​អ្នក​ចង់​ឲ្យ​វា​បាត់​ទៅ​វិញ​ឆាប់​នោះ​គួរតែ​ធ្វើ​ដូច​ខាងក្រោម​នេះ​៖

ព្យាយាម​ឲ្យ​គេ​បៅ​បន្ថែម​បន្តិចបន្តួច​ទៀត​បើសិនជា​គេ​អាច​បៅ​បាន
ចូរ​លើក​កូន​គេង​ផ្កាប់​ក្បាល​លើ​ស្មា​របស់​អ្នក ហើយ​ព្យាយាម​ទះ​តិច​ៗ​នៅ​ខ្នង​របស់​គេ
ឲ្យ​ក្បាលដោះ​បៀម​លេង​គេ​ជញ្ជក់​លេង​សិន
ចូរ​ឲ្យ​គេង​គេង​ផ្កាប់ ហើយ​ម៉ាស្សា ឬ​ត្រដុះ​នៅ​ខ្នង​របស់​គេ
បើសិនជា​កូន​អាយុ​ធំ​ជាង ៦​ខែ អ្នក​ក៏​អាច​ឲ្យ​គេ​បៅ​ទឹក​បន្ថែម​បាន​ដែរ
ចូរ​ព្យាយាម​ប្រើ​វិធី​បន្លប់​អារម្មណ៍​ពួក​គេ តែ​កុំ​ឲ្យ​គេ​ខ្លាច​ឲ្យ​សោះ

ធម្មតា ការ​ត្អើក​កើតឡើង​ដោយសារ​តែ​សាច់ដុំ​នៅ​សន្ទះ​ខណ្ឌ​ទ្រូង និង​ពោះ​រឹង​ជាប់​។ ការ​ដែល​បៅ​ឆ្អែត ការ​ញ៉ាំ​លឿន​ពេក និង​លេប​ខ្យល់​ចូល​ក្នុង​ពោះ​ច្រើន​ពេក ឬ​ផ្លាស់​ប្តូរ​អាកាសធាតុ​លឿន​ពេក​ក៏​អាច​បណ្តាល​ឲ្យ​ត្អើក​បាន​ដែរ ប៉ុន្តែ​មាន​កត្តា​ច្រើន​នា​ស់​ដែល​នាំ​ឲ្យ​ទារក​ត្អើក​។

ឲ្យ​គេ​បៅ​នៅ​ពេល​គេ​មាន​អារម្មណ៍ល្អ
ឲ្យ​គេ​បៅ​មុន​ពេល​ពួក​គេ​ឃ្លាន​ខ្លាំង
ឲ្យ​គេ​បៅ​ញឹកញាប់​ប៉ុន្តែ​បៅ​តិច​ៗ
ចូរ​ប្រាកដ​ថា អ្នក​បាន​ញ៉ុ​ក​ក្បាលដោះ​ក្នុង​មាត់​របស់​គេ​ត្រឹមត្រូវ និង​មិន​ឲ្យ​គេ​លេប​ខ្យល់​ចូល​ច្រើន​ទេ
ព្យាយាម​កុំ​ធ្វើ​ឲ្យ​គេ​បាត់បង់​អារម្មណ៍​ក្នុង​ពេល​បៅ​៕