ប្រភពដ៏ប្រសើរនៃសារធាតុ Riboflavin រួមមានគ្រាប់ធញ្ញជាតិ ឈីស សាច់គោ សាច់ចៀម សាច់ជ្រូក ត្រីសាលម៉ុន ត្រីធូណា អ័យស្ទរ ស៊ុត ផ្សិត គ្រាប់ល្ង និងបន្លែបៃតងជាដើម។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែថាតើសារធាតុ Riboflavin អាចផ្ដល់អត្ថប្រយោជន៍អ្វីខ្លះចំពោះសុខភាព? ខាងក្រោមវេបសាយសុខភាព  Health.com.kh នឹងបង្ហាញឱ្យដឹងពីមូលហេតុដែលអ្នកគួរព្យាយាមទទួលទានអាហារមានផ្ទុកសារធាតុ Riboflavin ៖

១. វាជួយពង្រឹងប្រព័ន្ធភាពស៊ាំរាងកាយ

សារធាតុចិញ្ចឹមនេះ គឺសំខាន់សម្រាប់សំយោគអង្គបដិប្រាណដែលរាងកាយផលិតដើម្បីប្រយុទ្ធប្រឆាំងនឹងជំងឺដែលបង្កឡើយដោយបាក់តេរី វីរុស និងរោគផ្សិតជាដើម។

២. វាជួយកាត់បន្ថយហានភ័យនៃជំងឺខ្វះគ្រាប់ឈាមក្រហម

សារធាតុ Riboflavin អាចជួយទប់ស្កាត់ហានិភ័យនៃជំងឺខ្វះគ្រាប់ឈាមក្រហមបានដោយវាដើរតួនាទីក្នុងការផលិតកោសិកាគ្រាប់ឈាមក្រហម។

៣. សារធាតុចិញ្ចឹមនេះពន្លឿនដំណើរការនៃការដុតរំលាយអាហារក្នុងរាងកាយ

សារធាតុ Riboflavin ជួយក្នុងការបំលែងកាបូអ៊ីដ្រាតទៅជាថាមពលដែលនេះហើយជាមូលហេតុដែលសារធាតុចិញ្ចឹមនេះត្រូវបានផ្សារភ្ជាប់នឹងការពន្លឿនដំណើរការនៃការដុតរំលាយអាហារក្នុងរាងកាយ។

៤. វាជួយឱ្យការមើលឃើញនៅពេលយប់កាន់តែប្រសើរឡើង

រ៉េទីនត្រូវការបរិមាណនៃសារធាតុ Riboflavin គ្រប់គ្រាន់ដើម្បីដំណើរការមុខងារបានត្រឹមត្រូវ។

៦. រក្សាដំណើរការមុខងារត្រឹមត្រូវនៃខួរក្បាលនិងសសៃប្រសាទ

សារធាតុ Riboflavin ឬវីតាមីន B2 មានតួនាទីចាំបាច់​ក្នុងការរក្សាសុខភាពខួរក្បាលនិងសសៃប្រសាទ។ នេះហើយជាមូលហេតុដែលអ្នកគួររួមបញ្ចូលអាហារដែលមានផ្ទុកសម្បូរទៅដោយសារធាតុ Riboflavin ក្នុងរបបអាហារប្រចាំថ្ងៃ៕