ថ្មីៗនេះគេទើបនឹងរកឃើញអត្ថប្រយោជន៍ថ្មីរបស់ទឹកដោះម្តាយសម្រាប់កូន ដូចនេះទោះបីជាអ្នករវល់យ៉ាងណាក៏ដោយក៏អ្នកត្រូវតែបំបៅកូនដោយប្រើទឹកដោះអ្នកដែរ ដើម្បីសុខភាពរបស់កូន។ តើវាមានអត្ថប្រយោជន៍អ្វីខ្លះទៀតទៅ?
- វាអាចធ្វើឱ្យកូនចៀសផុតពីជំងឺមហារីកមួយចំនួនដូចជា ៖ ជំងឺមហារីកកូនកណ្តុរ ជំងឺឈាមសស៊ីឈាមក្រហម ម្យ៉ាងទៀតវាអាចការពារកូនមិនឱ្យមានជំងឺស្លាប់មួយរំពេចឡើយ។
- កូនក្មេងដែលបៅទឹកដោះម្តាយ ធំឡើងនឹងមិនមានលើសសម្ពាធឈាមឡើយ ហើយនៅក្នុងឈាមក៏គ្មានកាឡូរីខ្ពស់ដែរ។
- វាអាចធ្វើឱ្យមនោសញ្ចេតនាអ្នក និងកូនកាន់តែល្អ ហើយទំនាក់ទំនងនេះអាចធ្វើឱ្យកូនមានបុគ្គលិកលក្ខណៈល្អនៅពេលដែលគេធំឡើង ដោយគេចេះគោរពចាស់ទុំ ចេញជួយយកអាសាអ្នកដទៃ ថែមទាំងចេះគោរពស្រលាញ់ចាស់ទុំទៀតផង ដោយមិនប្រើអាក្បកិរិយាឈ្លើយចំពោះពួកគាត់ឡើយ។
- ទោះបីជាកូនអ្នកកើតមុនខែ ឬមានទម្ងន់ទាបនៅពេលដែលកើតចេញមក ឱ្យតែអ្នកផ្តល់ទឹកដោះអ្នកឱ្យគេបៅ នោះគេនឹងមានប្រាជ្ញាឈ្លាតវៃដូចជាក្មេងដទៃទៀតអញ្ចឹង ហើយថែមទាំងមានសុខភាពរឹងមាំ មិនងាយមានជំងឺផ្សេងៗឡើយ។
- ក្រោយពេលដែលអ្នកបំបៅទឹកដោះអ្នកដល់កូនរួច កូននឹងមិនមានចិត្តឆេវឆាវដោយឆាប់យំ និងរករឿងច្រើននោះទេ ថែមទាំងអាចធ្វើឱ្យផ្លូវចិត្តកូនឆាប់ចាស់ដុំទៀតផង ដូចនេះកូននឹងមិនសូវរករឿងឡើយ អ្នកក៏មិនសូវយាប់ក្នុងការថែទាំដែរ៕