ឪពុកម្តាយជាច្រើនប្រហែលជាអាចមើលឃើញទារករបស់ខ្លួនក្នុងផ្ទៃលូតលាស់ និងធំធាត់ដោយប្រើបច្ចេកវិទ្យា VR 3D នាពេលឆាប់ៗខាងមុខនេះ។ ក្នុងការស្រាវជ្រាវមួយដែលផ្សំឡើងដោយការស្គេន MRI ជាមួយរូបភាព អេកូ បង្កើតបានជារូបភាពប្រភេទ 3D (Three Dimensional) ជាលក្ខណៈ VR (Virtual Reality) ជាប្រភេទរូបភាពទារកតែម្តង ព្រមទាំងសីរាង្គខាងក្នុរបស់គេទៀតផង។
ជាមួយនឹងបច្ចេកវិទ្យា VR 3D ដែលមានរូបភេទទារក អាចជួយពង្រឹងដល់ការយល់ដឹងអំពីលក្ខណៈកាយសម្ព័ន្ធរបស់ទារកទៀងផង។ បច្ចេកវិទ្យាមួយនេះអាចប្រើប្រាស់សម្រាប់គោលបំណងនៃការអប់រំ និងជាបច្ចេកទេសសម្រាប់ឪពុកម្តាយមើលឃើញទារករបស់ខ្លួនដែលកំពុងតែនៅក្នុងផ្ទៃនៅឡើយ។ រូបភាពជាប្រភេទ 3D ក៏អាចសម្គាល់លក្ខណៈស្រដៀងគ្នានឹងរូបរាងកូនក្រោយពីកើតរួចផងដែរ។
ចំពោះអ្នកប្រើប្រាស់វាអាចពាក់ឧបករណ៍ VR នេះនៅលើក្បាល ដើម្បីអាចមើលឃើញ និងស្តាប់លឺចង្វាក់បេះដូងកូន ហើយក៏សិក្សាអំពីកាយសម្ព័ន្ធរបស់ទារកតាមរយៈការធ្វើចលនាក្បាលចុះឡើង។ ចំពោះឧបករណ៍ VR នេះដែរ ក្រុមអ្នកបង្កើត បានប្រើប្រាស់បច្ចេកវិទ្យា Oculus Rift 2 ជំនាន់ចុងក្រោយគេបង្អោះ។
យ៉ាងណាមិញ បច្ចេកវិទ្យាមួយនេះត្រូវបានប្រើប្រាស់រួចមកហើយនៅក្នុងគ្លីនិកមួយនៃតំបន់ Rio De Janeiro ដោយរកឃើញថាមាន ករណីទារកខ្លះមានភាពមិនធម្មតាផងដែរ។ ក្រុមអ្នកស្រាវជ្រាវសង្ឃឹមថា បច្ចេកវិទ្យានេះនឹងត្រូវបានប្រើប្រាស់យ៉ាងទូលំទូលាយក្នុងឆ្នាំក្រោយនេះ៕
