ប្តីប្រៀបដូចសសរនៃផ្ទះ បើគេជាមនុស្សល្អនោះគ្រួសារនឹងមានសុភមង្គល រស់នៅដោយសុខស្រួលជានិរន្ត។ ដូចនេះតើមានចំនុចអ្វីខ្លះដែលអាចបញ្ជាក់ថាស្វាមីអ្នកជាប្តីល្អនោះ?
1. នៅពេលដែលអ្នករៀបការ៧ឆ្នាំហើយ គេនៅតែស្រលាញ់អ្នក មិនមានប្រពន្ធចុង នោះមានន័យថា គេជាប្តីដែលល្អ ព្រោះគេនៅមានចិត្តស្មោះជាមួយនឹងអ្នក ទោះបីជារៀបការច្រើនឆ្នាំហើយក៏ដោយ។
2. នៅពេលដែលស្វាមីអ្នកចេះជួយធ្វើការងារផ្ទះនៅពេលដែលប្រពន្ធរវល់ គេជាប្តីដែលល្អ ព្រោះមានបុរសមួយចំនួនមិនចូលចិត្តប៉ះពាល់ការងារផ្ទះឡើយ គេយល់ថាជារឿងដែលមនុស្សស្រីគួរតែធ្វើ។ ដូចនេះ បើគេចេះជួយយកអាសារអ្នក នៅពេលដែលអ្នករវល់ អ្នកជ្រើសរើសត្រូវប្តីហើយ។
3. នៅពេលដែលគេមិនចេះកុហកប្រពន្ធខ្លួនទ ហើយមានរឿងអ្វីប្រាប់ប្រពន្ធទាំងអស់ គេជាស្វាមីដែលមានចិត្តត្រង់ ដោយមិនហ៊ានលាក់ស្រីនោះទេ ព្រោះមានរឿងអ្វី គេលាក់មិនជិតឡើយ។
4. នៅពេលដែលស្វាមីអ្នកផ្តល់សិទ្ធឲ្យប្រពន្ធ ដោយចេះគោរពភរិយាគ្រប់ពេល នោះអាចបញ្ជាក់បានថា គេជាប្តីដែលល្អ ដោយមិនហាមឃាត់ប្រពន្ធធ្វើរឿងដែលគេចង់ធ្វើនោះទេ។ គេនឹងគោរព និងគាំទ្រអ្នកគ្រប់ពេល។
5. នៅពេលដែលគេតែងតែកាន់ដៃប្រពន្ធរបស់ខ្លួននៅពេលដែលដើរលេងជាមួយគ្នាដោយមិនមើលនារីដទៃ កាន់តែអាចបង្ហាញអ្នកបានថា ចិត្តគេមានតែអ្នកម្នាក់នោះទេ ដោយមិនសាវ៉ាចង់បាននារីផ្សេងនោះឡើយ។
6. គេចេះយកចិត្តទុកដាក់ស្តាប់ប្រពន្ធនិយាយ ក៏ជាប្តីដែលចាត់ទុកថាល្អដែរ ព្រោះមានបុរសតិចណាស់ ដែលអាចមានចិត្តអត់ធ្មត់ក្នុងការស្តាប់ប្រពន្ធនិយាយ។
7. ចំណុចដែលអាចបញ្ជាក់បានថា គេជាស្វាមីល្អ គឺនៅពេលដែលអ្នកមានជម្លោះជាមួយម្តាយក្មេក គេអាចដោះស្រាយបញ្ហាបានល្អ ដោយមិនកាន់ជើងតែម្តាយគេទេ។
8. មិនខ្លាចនិយាយពាក្យសុំទោសនៅពេលដែលធ្វើខុស។ ស្វាមីបែបនេះ ក៏ជាប្តីដែលល្អដែរ ព្រោះគេស្រឡាញ់អ្នកខ្លាំង ទើបអាចសារភាពកំហុសនោះចំពោះមុខអ្នកដោយគ្មានភាពខ្មាស់អៀន។
9. អាចនិយាយថាបងស្រលាញ់អូនដោយមិនមានភាពខ្មាស់អៀន។ ពាក្យនេះ បើគេនៅតែនិយាយក្រោយពេលដែលរៀបការជាមួយគ្នាយូរ នោះអ្នករៀបការជាមួយស្វាមីដែលត្រូវហើយ។ ជារួមមកតើប្តីអ្នកធ្វើបានប៉ុន្មានចំនុចហើយ?បើអនុវត្តបានទាំងអស់នោះគេជាប្តីល្អហើយ អ្នកគួរតែចេះថែរក្សាមនោសញ្ចេតនានេះឲ្យបានល្អ៕