Join with Health.com.kh on Telegram

ប្រសិនជារវាងប្តីប្រពន្ធអ្នក មានម្ខាងកើតក្នុងឆ្នាំ៣ខាងលើ ប្រាក់នឹងអាចចូលមកក្នុងឃ្លាំងអ្នកច្រើន។ តើមានអ្វីខ្លះទៅ?

ឆ្នាំកុរ
ប្រសិនជាប្តី ឬប្រពន្ធអ្នក មានម្នាក់កើតក្នុងនេះ នោះគេនឹងអាចនាំលាភខ្ពស់មកជូនម្ខាងទៀត។ ម្យ៉ាងទៀត អ្នកដែលកើតក្នុងឆ្នាំនេះ ជាបុគ្គលដែលមានចិត្តស្មោះត្រង់ មិនធ្វើរឿងដែលធ្វើឲ្យម្ខាងទៀតឈឺចិត្តនោះទេ។ ដូចនេះ បើមានម្ខាងជាឆ្នាំកុរនេះ គ្រួសារអ្នកមិនរសាត់ឡើយ ដោយអាចរស់នៅជាមួយគ្នាដោយមានសុភមង្គល ថែមទាំងអាចនាំទាំងទ្រព្យ និងកូនចៅចូលមកព្រមគ្នាតែម្តង។

ឆ្នាំថោះ
បើប្តី ឬប្រពន្ធអ្នកកើតក្នុងឆ្នាំនេះ នោះគ្រួសារអ្នកនឹងអាចរស់នៅយ៉ាងចុះសម្រុងនឹងគ្នា ដោយធ្វើឲ្យជនទី៣មិនហ៊ានចូលមកទេ។ ដូចនេះ អ្នកនឹងអាចសហការគ្នា ដើម្បីនាំទ្រព្យធំចូលមកក្នុងឃ្លាំងបាន។ ជាហេតុដែលធ្វើឲ្យអ្នកឃ្លាតមិនឆ្ងាយពីជីវភាពសុខស្រួលឡើយ។

ឆ្នាំរោង
ចំពោះប្តី ឬប្រពន្ធដែលកើតក្នុងឆ្នាំនេះ នឹងអាចរក្សាអាពាហ៍ពិពាហ៍បានយូរអង្វែង មិនងាយបែកបាក់ឡើយ ទោះបីជាមានរឿងធំប៉ុណ្ណាក៏ដោយ។ ជាហេតុដែលធ្វើឲ្យជនទី៣ នឹងបាត់ខ្លួនពីអ្នកទាំងពីរ។ ដូចនេះ អ្នកនឹងអាចជួយគ្នាដើរឆ្លងកាត់ផ្លូវដែលលំបាក ដោយឆ្ពោះទៅផ្លូវដែលជោគជ័យខ្លាំងក្នុងជីវិត។ អ្នកនឹងអាចនាំទ្រព្យមកក្នុងផ្ទះបានយ៉ាងច្រើននៅថ្ងៃណាមួយជាមិនខាន៕