បញ្ហាឡើងខ្លាញ់កូឡេស្តេរ៉ូលច្រើនជុំវិញភ្នែកមិនពិបាកនឹងដោះស្រាយឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណាទៅ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីរូបមន្តធម្មជាតិបំបាត់កូឡេស្តេរ៉ូលដែលឡើងជុំវិញភ្នែក ៖
១. ខ្ទឹមស
អ្វីដែលអ្នកត្រូវធ្វើ គឺគ្រាន់តែបកសំបកខ្ទឹមស ១ កំពឹស រួចកាត់វាជាពីរកំណាត់និងចាប់ផ្ដើមដុសថ្នមៗលើដុំខ្លាញ់កូឡេស្តេរ៉ូលដែលលេចឡើងដូចមុននោះ។ អនុវត្តសារឡើងវិញសម្រាប់រយៈពេលពី ២ ទៅ ៣ ថ្ងៃ ហើយអ្នកនឹងឃើញលទ្ធផល។
២. ខ្ទឹមបារាំង
អ្វីដែលអ្នកត្រូវធ្វើ គឺគ្រាន់តែចិញ្ច្រាំខ្ទឹមបារាំងឱ្យរាងម៉ដ្ឋដើម្បីច្របាច់យកទឹក រួចរោយអំបិលបន្តិចក្នុងទឹកខ្ទឹមបារាំងស្រស់និងទុកចោលសម្រាប់រយៈពេលពី ២ ទៅ ៣ ម៉ោង។ ប្រើប្រាស់ទឹកល្បាយលើចំណុចដែលមានបញ្ហានៅមុនពេលចូលគេង (ចៀសវាងកុំឱ្យចូលភ្នែក)។ លាងសម្អាតចេញនៅពេលព្រឹក។
៣. សំបកចេក
គ្រាន់តែដាក់បិតផ្នែកខាងក្នុងនៃសំបកចេកតូចមួយលើកន្លែងដែលមានបញ្ហាសម្រាប់រយៈពេលពេញមួយយប់ជាការស្រេច។ អ្នកអាចប្រើប្រាស់ស្កុតបិតកៀនៗនៃសំបកចេញដើម្បីកុំឱ្យជ្រុះ។
៤. ទឹកខ្មេះផ្លែប៉ោម
អ្វីដែលអ្នកត្រូវធ្វើ គឺគ្រាន់តែប្រើប្រាស់ដុំសំឡីជ្រលក់ក្នុងទឹកខ្មេះផ្លែប៉ោម រួចពូតទឹកដែលលើសចេញខ្លះ បន្ទាប់មកដាកបិតលើដុំខ្លាញ់កូឡេស្តេរ៉ូលនោះសម្រាប់រយៈពេលពី ២ ទៅ ៣ ម៉ោង សឹមលាងសម្អាតចេញជាការស្រេច។ អ្នកអាចប្រើប្រាស់ស្កុត ឬបង់បិតដំបៅបិតពីលើដើម្បីកុំឱ្យជ្រុះ។
៥. ទទួលទានអាហារដែលមានលក្ខណៈសម្បត្តិបញ្ចុះកូឡេស្តេរ៉ូល
អ្នកក៏ចាំបាច់គួរមានរបបអាហារត្រឹមត្រូវមួយផងដែរដើម្បីបន្ថយកម្រិតនៃកូឡេស្តេរ៉ូលក្នុងរាងកាយ។ ចូរព្យាយាមរួមបញ្ចូលអាហារដែលមានលក្ខណៈសម្បត្តិបញ្ចុះកូឡេស្តេរ៉ូលក្នុងរបបអាហារប្រចាំថ្ងៃ។ អាហារទាំងនោះភាគច្រើនមានផ្ទុកជាតិសសៃដែលជួយកម្ចាត់កូឡេស្តេរ៉ូលមិនល្អ។ អាហារមានផ្ទុកសម្បូរទៅដោយវីតាមីន C សារធាតុប្រឆាំងអុកស៊ីតកម្ម និងអាស៊ីតខ្លាញ់សុខភាពល្អក៏មានប្រសិទ្ធភាពបន្ថយកូឡេស្តេរ៉ូលមិនល្អផងដែរ៕