អាហារអ្វីខ្លះជួយផ្ដល់ថាមពលបន្ថែមដល់រាងកាយបានឆាប់រហ័ស? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារទាំងនោះ ៖

១. ស៊ុត

ស៊ុតជាប្រភពដ៏ល្អបំផុតមួយនៃប្រូតេអ៊ីនគុណភាពខ្ពស់និងវីតាមីន B  ដែលជួយផ្ដល់ថាមពលដល់រាងកាយបានយ៉ាងប្រសើរ។

២. ផ្លែបឺរ

មានផ្ទុកសម្បូរទៅដោយជាតិខ្លាញ់ល្អៗ ព្រមទាំងសារធាតុចិញ្ចឹមចាំបាច់ដែលជាប្រភពនៃថាមពលនិងជួយបង្កើនអារម្មណ៍ប្រសើរឆាប់រហ័ស។

៣. ផ្លែគីវី

ផ្លែឈើនេះជាប្រភពដ៏ល្អបំផុតមួយនៃជាតិសសៃ វីតាមីន C ប៉ូតាស្យូម និងជាតិស្ករធម្មជាតិដែលជួយរក្សា ព្រមទាំងបង្កើនថាមពលរាងកាយ។ អ្នកអាចទទួលទានផ្លែគីវីឱ្យបាន ២ ផ្លែក្នុងមួយថ្ងៃ។

៤. គ្រាប់ធញ្ញជាតិ

គ្រាប់ធញ្ញជាតិភាគច្រើនមានផ្ទុកសម្បូរទៅដោយជាតិម៉ាញ៉េស្យូមដែលជួយបំលែងស្ករទៅជាថាមពល។ គ្រាប់ធញ្ញជាតិក៏ជាប្រភពដ៏ល្អបំផុតមួយនៃប្រូតេអ៊ីននិងជាតិសសៃដែលជួយឱ្យឆ្អែតនិងគ្រប់គ្រងកម្រិតជាតិស្ករក្នុងឈាមបានយ៉ាងប្រសើរផងដែរ។

៥. សូកូឡាខ្មៅ

ជាប្រភពនៃសារធាតុ theobromine ដែលមានប្រសិទ្ធភាពជម្រុញថាមពលនិងលើកកម្ពស់អារម្មណ៍ល្អប្រសើរដោយគ្មានជះឥទ្ធិពលប៉ះពាល់ដល់សុខភាពរាងកាយ។ ទោះជាយ៉ាងណាអ្នកគួរជ្រើសរើសសូកូឡាខ្មៅដែលផ្សំឡើងពីជាតិកាកាវយ៉ាងហោចណាស់ ៧០ ភាគរយ។

៦. ផ្លែប៉ោម

ផ្លែឈើនេះមានផ្ទុកជាតិស្ករធម្មជាតិដែលជួយបង្កើនថាមពលរាងកាយឆាប់រហ័ស ហើយក៏រក្សាស្ថេរភាពនៃកម្រិតជាតិស្ករក្នុងឈាមផងដែរ។ ផ្លែប៉ោមថែមទាំងជាប្រភពដ៏ល្អបំផុតមួយនៃវីតាមីន C ដែលជួយពង្រឹងប្រព័ន្ធភាពស៊ាំរាងកាយទៀតផង។

៧. យ៉ាអួរ

យ៉ាអួរអាចធ្វើឱ្យអ្នកមានអារម្មណ៍ស្វាងឆាប់រហ័ស! នេះក៏ព្រោះតែអាហារសម្រន់នេះមានផ្ទុកសម្បូរទៅដោយប្រូតេអ៊ីនដែលជាអ្វីមួយពិបាកនឹងរំលាយ។ ជាលទ្ធផលរាងកាយនឹងបង្កើនដំណើរការនៃការដុតរំលាយអាហារ ហើយនាំឱ្យមានការបង្កើតថាមពល។ ចូរជ្រើសរើសទទួលទានយ៉ាអួរសុទ្ធជំនួសយ៉ាអួរលាយគ្រឿងផ្សំផ្សេងៗពិសេសជាតិស្ករក៏ព្រោះវាអាចនឹងបណ្ដាលឱ្យអ្នកឆាប់អស់កម្លាំងទៅវិញ។

៨. សណ្ដែកសៀង

មានផ្ទុកប្រូតេអ៊ីនខ្ពស់ វីតាមីន B ជាតិទង់ដែង និងផូស្វ័រដែលជួយបំលែងអាហារទៅជាថាមពល ហើយបញ្ជូនទៅកាន់រាល់កោសិកា៕