ដឹងទេអាហារសម្បូរខ្លាញ់អ្វីខ្លះល្អចំពោះសុខភាព?

ក្នុងកម្រិតមធ្យមការរួមបញ្ចូលខ្លាញ់សុខភាពល្អក្នុងរបបអាហារ គឺអាចផ្ដល់អត្ថប្រយោជន៍ជាច្រើនចំពោះសុខភាពរាងកាយដែលជួយឱ្យឆ្អែតបានយូរ ចៀសផុតហានិភ័យនៃជំងឺបេះដូង និងបង្កើនការស្រូបយកវីតាមីនចាំបាច់ដោយផ្អែកលើប្រភេទនៃជាតិខ្លាញ់ដែលបានប្រើ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអាហារសម្បូរខ្លាញ់អ្វីខ្លះល្អចំពោះសុខភាព? ខាងក្រោមវេបសាយសុខភាព Health.com.kh នឹងបង្ហាញពីអាហារទាំងនោះ ៖

១. អូលីវខ្មៅ

មួយពែងនៃអូលីវខ្មៅមានផ្ទុកខ្លាញ់ល្អ monounsaturated ដល់ទៅ ១៥ ក្រាម។ ក្រៅពីខ្លាញ់ល្អ អ្នកក៏អាចទទួលបានសារធាតុចិញ្ចឹមច្រើនផ្សេងទៀតដូចជា hydroxytyroso មានប្រសិទ្ធភាពទប់ស្កាត់ហានិភ័យនៃជំងឺមហារីកពីផ្លែអូលីវខ្មៅ។ ទោះជាយ៉ាងណាអ្នកមិនគួរទទួលទានផ្លែអូលីវខ្មៅលើសពី ១០ គ្រាប់តូចៗ ឬ ៥ គ្រាប់ធំៗឡើយ។

២. គ្រាប់ធញ្ញជាតិ

មានផ្ទុកសម្បូរទៅដោយជាតិសសៃ ជាតិខ្លាញ់ និងប្រូតេអ៊ីន។ វាក៏មានផ្ទុកម៉ាញ៉េស្យូមនិងវីតាមីន E ផងដែរ។ ការទទួលទានគ្រាប់ធញ្ញជាតិមិនលើសពីមួយក្ដាប់ដៃពេញក្នុងមួយថ្ងៃអាចជួយកាត់បន្ថយហានិភ័យនៃជំងឺទឹកនោមផ្អែមប្រភេទទី ២ ជំងឺធាត់ជ្រុល និងសូម្បីតែជំងឺបេះដូង។

៣. តៅហ៊ូ

ទោះបីជាតៅហ៊ូមិនមានផ្ទុកជាតិខ្លាញ់ខ្ពស់ ប៉ុន្តែក៏មិនទាបដែរ។ ម្យ៉ាងវិញទៀតអាហារនេះល្អណាស់សម្រាប់អ្នកដែលចង់បង្កើនកម្រិតនៃជាតិប្រូតេអ៊ីនក្នុងរាងកាយដោយមិនចាំបាច់ទទួលទានសាច់។

៤. យ៉ាអួរមានផ្ទុកជាតិខ្លាញ់ពេញ

ក្រៅពីមានផ្ទុកជាតិខ្លាញ់ល្អនិងសារធាតុចិញ្ចឹមផ្សេងៗដូចដែលផលិតផលអាហារផ្សំឡើងពីទឹកដោះគោដទៃទៀតមានផ្ទុកហើយនោះ យ៉ាអួរក៏ជាប្រភពដ៏ប្រសើរនៃប្រូបាយអូទិកជួយធ្វើឱ្យសុខភាពរាងកាយកាន់តែប្រសើរឡើងផងដែរ។ ទោះជាយ៉ាងណាអ្នកចាំបាច់គួរជ្រើសរើសទទួលទានយ៉ាអួរដែលគ្មានផ្ទុកជាតិស្ករ។

៥. ផ្លែបឺរ

ផ្លែបឺរទំហំមធ្យមមួយមានផ្ទុកខ្លាញ់ល្អ monounsaturated ដែលល្អសម្រាប់សុខភាពបេះដូងដល់ទៅ ២៣ ក្រាម។

៦. ត្រីសម្បូរខ្លាញ់

ជាប្រភពដ៏ប្រសើរនៃអាស៊ីតខ្លាញ់អូមេហ្កា ៣ ក៏ដូចជាសារធាតុចិញ្ចឹមចាំបាច់ផ្សេងទៀតដែលជួយកាត់បន្ថយហានិភ័យនៃបញ្ហាសុខភាពជាច្រើនរួមបញ្ចូលទាំងជំងឺធ្លាក់ទឹកចិត្ត (depression) ខ្សោយការចងចាំ និងបញ្ហាបេះដូង៕