ជួយចែករំលែក! បញ្ហារលាកស្បែកដោយសារកម្ដៅថ្ងៃក្ដៅខ្លាំង? កុំរំលងអត្ថបទនេះ

បញ្ហារលាកស្បែកដោយសារពន្លឺព្រះអាទិត្យ ឬកម្ដៅថ្ងៃក្ដៅខ្លាំងមែនទេ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) មិនពិបាកនឹងដោះស្រាយឡើយ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗព្យាបាលស្បែកដែលរលាកដោយសារពន្លឺព្រះអាទិត្យ ៖

១. ទឹកខ្មេះផ្លែប៉ោម

អ្វីដែលអ្នកត្រូវធ្វើ គឺគ្រាន់តែបន្ថែមទឹកខ្មេះផ្លែប៉ោម ១ ពែងក្នុងទឹកសម្រាប់ងូត។ រូបមន្តនេះជួយរក្សាតុល្យភាពនៃកម្រិត pH នៃស្បែក។ ជាលទ្ធផលស្បែកនឹងឆាប់ជាសះស្បើយ។

២. តែខ្មៅ

អ្វីដែលអ្នកត្រូវធ្វើ គឺគ្រាន់តែដាំទឹកក្ដៅ ២ ពែងរួចឆុងតែខ្មៅ ៤ កញ្ចប់តូចៗក្នុងទឹកនេះសម្រាប់រយៈពេល ១ ម៉ោង សឹមទុកឱ្យចុះត្រជាក់។ បន្ទាប់មកប្រើប្រាស់ក្រណាត់ស្អាតមួយត្រាំ ឬជ្រលក់ក្នុងទឹកតែ ហើយស្អំលើស្បែកដែលទទួលរងផលប៉ះពាល់សម្រាប់រយៈពេល ១៥ នាទី។

៣. ទទួលទានទឹកឱ្យបានគ្រប់គ្រាន់

ការរក្សាសំណើមស្បែកទប់ស្កាត់ភាពស្ងួត គឺចាំបាច់ណាស់កំឡុងពេលជួបប្រទះបញ្ហារលាកដោយសារពន្លឺព្រះអាទិត្យ។ ដូច្នេះចូរព្យាយាមទទួលទានទឹកឱ្យបានច្រើនគ្រប់គ្រាន់ដើម្បីឆាប់ជាសះស្បើយ។

៤. ប្រទាលកន្ទុយក្រពើ

អ្វីដែលអ្នកត្រូវធ្វើ គឺគ្រាន់តែយកជែលប្រទាលកន្ទុយក្រពើមួយចំនួនទៅដាក់ក្នុងទូរទឹកកកឱ្យត្រជាក់សម្រាប់រយៈពេល ៣០ នាទី។ បន្ទាប់មកលាបវាលើតំបន់ស្បែកដែលទទួលរងផលប៉ះពាល់។ កុំជូតចេញត្រូវទុករហូតដល់ស្ងួត។ អនុវត្តឱ្យបានពី ៥ ទៅ ៦ ដងជាប្រចាំរហូតដល់ជាសះស្បើយ។

៥. ត្រសក់

អ្វីដែលអ្នកត្រូវធ្វើ គឺគ្រាន់តែកិនត្រសក់ឱ្យម៉ដ្ឋក្លាយជាល្បាយខាប់ៗរួចប្រើជាគ្រីមលាបលើតំបន់ស្បែកដែលទទួលរងផលប៉ះពាល់។ អ្នកក៏អាចគ្រាន់តែប្រើប្រាស់បន្ទះ ឬចំណិតត្រសក់បិតពីលើស្បែកក៏បាន។

៦. ស្អំទឹកកក

កុំភ្លេចរុំកញ្ចប់ទឹកកកក្នុងក្រណាត់ស្អាតជាមុនសិន សឹមដាក់ស្អំលើស្បែក។

៧. ទឹកឃ្មុំ

ប្រើប្រាស់បន្ទះសំឡីផ្ដិតៗទឹកឃ្មុំលើតំបន់ស្បែកដែលទទួលរងផលប៉ះពាល់ដោយសារពន្លឺព្រះអាទិត្យ។ បន្ទាប់មករុំបង់ពីលើនិងទុកចោលសម្រាប់រយៈពេលពេញមួយយប់។

៨. តែបៃតង

ត្រាំតែបៃតង ១ កញ្ចប់តូចក្នុងទឹកត្រជាក់។ បន្ទាប់មកប្រើប្រាស់កញ្ចប់តែដែលបានត្រាំរហូតត្រជាក់នោះដុសថ្នមៗលើស្បែកដែលទទួលរងផលប៉ះពាល់ជាការស្រេច។ អនុវត្តសារឡើងវិញរៀងរាល់ពី ២ ទៅ ៣ ម៉ោង៕