ខាងក្រោមនេះ យើងខ្ញុំនឹងបង្ហាញអ្នកពីប្រដាប់ប្រដាល់ដែលអ្នកម្តាយគួរតែត្រៀមទុកឲ្យកូនមុនពេលសម្រាល។ តើមានអ្វីខ្លះទៅ?

  1. របស់សំខាន់ទី១ គឺសម្លៀកបំពាក់តែម្តង ព្រោះកូនកើតមកគឺគ្មានសម្លៀកបំពាក់មកជាមួយទេ មកដោយខ្លួនទទេរនោះទេ។ ដូចនេះ អ្នកម្តាយគួរតែទិញសម្លៀកបំពាក់ដែលមានសាច់ក្រណាត់ទន់ មិនក្រាស់ពេក ជក់ទឹក មិនតូចពេក ហើយងាយស្រួលបោក។ អ្នកម្តាយគួរតែត្រៀម៣ទៅ៥ឈុត ដើម្បីងាយស្រួលផ្លាស់ប្តូរ។
  2.  របស់ទី២ គឺខោទឹកនោម ដោយអ្នកម្តាយគួរតែត្រៀមរាងច្រើនបន្តិច ហើយជ្រើសរើសលេខតូចជាងគេ ទើបពេលកូននោម មិនហៀរចេញមកក្រៅ។ ការត្រៀមរាងច្រើន ព្រោះទារកដែលទើបតែកើត អាចនោម និងបត់ជើងធំច្រើន ដោយតម្រូវឲ្យផ្លាស់ប្តូរច្រើន។
  3. របស់ទី៣ គឺម្សៅទឹកដោះគោ ព្រោះមានអ្នកម្តាយមួយចំនួនមិនមានទឹកដោះឲ្យកូនបៅទេ ឬទឹកដោះចេញតិច ដោយធ្វើឲ្យកូនបៅមិនឆ្អែត។ ដូចនេះ អ្នកអាចត្រៀមម្សៅទឹកដោះគោមួយកំប៉ុងតូច ដើម្បីបម្រុងទុក។
  4. របស់ទី៤ គឺដបទឹកដោះគោតែម្តង។ ដបទឹកដោះគោ អ្នកគួរតែជ្រើសរើសដបដែលងាយស្រួលលាងសម្អាត ប្រើហើយមិនចេញសារធាតុជ័រ។ មិនត្រឹមតែប៉ុណ្ណោះ អ្នកម្តាយត្រូវតែទិញច្រាសសម្រាប់ដុសលាងដបទឹកដោះគោទាំងនោះក្រោយពេលដែលកូនបៅរួច ទើបអាចសម្លាប់មេរោគបានល្អ៕